રાજ્યમાં ગરમીથી શેકાવવા થઈ જાઓ તૈયાર, હવમાન વિભાગે કરી જાહેરાત

• લઘુત્તમ અને મહત્તમ તાપમાનમાં વધારો થવાની આગાહી
• રાજ્યમાં સૌથી વધુ તાપમાન 36.8 ડિગ્રી અમરેલીમાં
• અમદાવાદમાં લઘુત્તમ 22.2, મહત્તમ તાપમાન 35.7 ડિગ્રી

આખરે શિયાળાની વિદાય થઈ ગઈ છે. આ સાથે જ લઘુત્તમ અને મહત્તમ તાપમાનમાં વધારો થવાની આગાહી હવામાન વિભાગ દ્વારા કરવામાં આવી રહી છે. આજે હવામાન વિભાગ દ્વારા આપવામાં આવેલી માહિતી અનુસાર, આગામી પાંચ દિવસ દરમિયાન મહત્તમ તાપમાન 37 ડિગ્રી સેલ્સિયસથી વધે તેવી શક્યતાઓ છે.

હવામાન વિભાગ દ્વારા આગામી પાંચ દિવસની આગાહી કરતા ગરમીનો પારો સતત વધે તેવી શક્યતાઓ છે. હાલમાં અમદાવાદ સહિત ગુજરાતના મહાનગરોમાં મહતમ તાપમાનનો પારો 35 ડિગ્રી સેલ્સિયસથી વધુ છે. જેના સાથે જ અમદાવાદરમાં પવનની ગતિ સામાન્ય છે. તેને કારણે ગરમ પવન પણ ફૂંકાતા હોય તેવું અહેસાસ અમદાવાદવાસીઓને થશે.

આ સાથે જ લઘુત્તમ તાપમાન અને મહત્તમ તાપમાનમાં 15 ડિગ્રીનો તફાવત હોવાથી દિવસ દરમિયાન વધુ પ્રમાણમાં ગરમીનો અનુભવ થઇ રહ્યો છે. હાલમાં ગુજરાત પર ઉત્તર અને ઉત્તર પશ્ચિમ દિશા તરફથી પવન ફૂંકાઈ રહ્યા છે, તેને કારણે રાત્રિ દરમિયાન પણ વધુ પ્રમાણમાં ગરમીનો અનુભવ થતો નથી તથા આગામી 24 કલાક દરમિયાન પવની ગતિ પણ 10થી 15 કિલોમીટર પ્રતિ કલાકની ઝડપે રહેશે.

જ્યારે લઘુત્તમ તાપમાન 20 ડિગ્રી સેલ્શિયસની આસપાસ નોંધતા ગરમીનો અનુભવ થઈ રહ્યો છે. તેમજ રાજ્યમાં છેલ્લા 24 કલાક દરમિયાન અમદાવાદ શહેરમાં મહત્તમ તાપમાન 35.7 ડિગ્રી સેલ્સિયસ નોંધાયું હતું. જ્યારે લઘુત્તમ તાપમાન 22.5 ડિગ્રી સેલ્સિયસ નોંધાયું હતું.

વિવિધ શહેરોમાં તાપમાન વધ્યું

તેમજ છેલ્લા 24 કલાક દરમિયાન ગુજરાત રાજયમાં સૌથી વધુ ગરમ શહેરમાં અમરેલી અને ભાવનગર જિલ્લાના મહુવા રહ્યું હતું. આ બંને સ્થળ મહત્તમ તાપમાન 36.8 ડિગ્રી સેલ્સિયસ નોંધાયું. જ્યારે 16.2 ડિગ્રી સેલ્સિયસ લઘુત્તમ તાપમાન સાથે છેલ્લા 24 કલાક દરમિયાન નલિયા સૌથી ઠંડું શહેર રહ્યું હતું. આ ઉપરાંત રાજ્યના મહાનગરોમાં સુરતનું મહત્તમ તાપમાન 36 ડિગ્રી સેલ્સિયસ વડોદરાનું મહત્તમ તાપમાન 36.6 ડિગ્રી સેલ્સિયસ અને રાજકોટનું મહત્તમ તાપમાન 36 ડિગ્રી સેલ્સિયસ નોંધાયું હતું. ગાંધીનગરમાં 21.5 ડિગ્રી લઘુત્તમ તાપમાન જ્યારે 35.5 ડિગ્રી મહત્તમ તાપમાન નોંધાયું છે.