ગીર સોમનાથના પ્રભાસ પાટણ પોલીસ સ્ટેશનના PI સામે જિલ્લા પોલીસ વડા દ્વારા એક્શન લેવામાં આવ્યા છે. PI મંજૂરી વિના જ સીક લીવ પર જતાં તેમને પોલીસ વડાએ સસ્પેન્ડ કરી દીધા છે. આ કાર્યવાહીથી સમગ્ર પોલીસ બેડામાં ચકચાર મચી જવા પામી છે.
મંજૂરી વિના સીક લીવ પર જતા PI સસ્પેન્ડ
ગીર સોમનાથ જિલ્લાના પ્રભાસ પાટણ પોલીસ સ્ટેશનના પીઆઈ એમ.વી. પટેલ ફરજ પરથી મનસ્વી રીતે જ રજા પર ઉતર્યા હતાં. તેમણે પોતાના ભત્રીજાના લગ્ન માટે રજા માંગી હતી. પૂરતી રજાઓ મંજૂર નહીં થતાં તેઓ મંજૂરી વિના જ સીક લીવ પર ઉતરી ગયા હતાં. જેના કારણે જિલ્લા પોલીસ વડા જયદીપસિંહ જાડેજા દ્વારા તેમની સામે એક્શન લેવામાં આવ્યા હતાં.
SPની કાર્યવાહીથી પોલીસબેડામાં ચકચાર
જિલ્લા પોલીસ વડા જયદીપસિંહ જાડેજાએ પ્રભાસ પાટણના પીઆઈ એમ.વી. પટેલને તાત્કાલિક અસરથી સસ્પેન્ડ કરી દીધા છે. જિલ્લા પોલીસ વડાની આ કાર્યવાહીને કારણે સમગ્ર જિલ્લામાં પોલીસ બેડામાં ચકચાર મચી જવા પામી છે. આ કાર્યવાહીને કારણે અન્ય પોલીસ સ્ટેશનના પોલીસ કર્મીઓમાં પણ રજા માંગવાને લઈને અનેક પ્રકારની ચર્ચાઓએ જોર પકડ્યું છે.
