3 ફેબ્રુઆરી 2025ની રાત્રે મુંબઈ એરપોર્ટ પરથી કસ્ટમ અધિકારીઓની તપાસ દરમિયાન સોનાની દાણચોરી કરતાં 4 જણ ઝડપાયા છે. એરપોર્ટ કમિશનરેટ મુંબઈ ઝોન-III ખાતેના અધિકારીઓની કાર્યવાહીમાં 2.21 કરોડ રૂપિયાનું સોના સાથે 04 પીએસની ધરપકડ કરવામાં આવી હતી.
સવા 2 કરોડનું સોનું જપ્ત કરાયું
મુંબઈ એરપોર્ટ પર કસ્ટમ અધિકારીઓએ દુબઈથી મુંબઈ આવતા 03 મુસાફરો અને ડિપાર્ચર હોલ તથા મુંબઈ એરપોર્ટ ખાતે કામ કરતા 01 ખાનગી એરપોર્ટ સ્ટાફને અટકાવ્યા હતા અને તેમની તપાસ કરી હતી. તપાસમાં અધિકારીઓને તેમની પાસેથી સોનું મળી આવ્યું હતું. એક પોલીથીન બેગમાંથી 24 કેરેટ સોનાની ધૂળમાં મિશ્રિત 2.830 Kg અને કુલ વજન 2.966 Kg સોનું જપ્ત કર્યું હતું. જેનું સરેરાશ મૂલ્ય રૂ. 2.21 કરોડ છે.
પોલીથીન બેગમાં છુપાવ્યું સોનું
મુંબઈ એરપોર્ટના કસ્ટમ અધિકારીઓએ શોધી કાઢ્યું કે મુસાફરોએ પોલીથીન બેગમાં સોનું છુપાવ્યું હતું, જે પછી સ્ટોરમાં લટકાવેલી સ્ટોર-બ્રાન્ડેડ જ્યુટ બેગની અંદર મૂકવામાં આવ્યું હતું. ત્યારબાદ, તે જ બેગ તે સ્ટોર પર કામ કરતા ખાનગી એરપોર્ટ સ્ટાફ દ્વારા લેવામાં આવી હતી. કસ્ટમ્સ એક્ટ, 1962 હેઠળ 04 વ્યક્તિઓની ધરપકડ કરવામાં આવી હતી.
એરપોર્ટ સ્ટાફ પણ સંડોવાયેલો હોઈ તપાસ ચાલુ
એરપોર્ટ પર કામ કરવાની આડમાં આ ટોળકી નાની બેચમાં સોનું લાવીને એરપોર્ટની બહાર પહોંચાડતી હતી. તેઓ કેપ્સ્યુલના રૂપમાં અથવા મીણના આવરણમાં છુપાવીને સોનાની દાણચોરી કરતા હતા. હાલના સમયમાં સોનાની દાણચોરીના મામલાઓમાં વધારો થયો છે. એરપોર્ટ કર્મચારીઓની મિલીભગત આ સમસ્યાને વધુ ગંભીર બનાવી રહી છે. વિભાગ આવા કિસ્સાઓ પર નજર રાખવા અને દાણચોરી સામે કડક કાર્યવાહી કરવાની ખાતરી આપી છે.
