ગોંડલના વોરાકોટડા રોડ પર આવેલી સબજેલ પાસ એક્ટિવા પર શિવરાજગઢ ગામે જતી બે બહેનોને પુર ઝડપે આવતી એસટી બસના ચાલકે સાઈડમાંથી અડફેટે લેતા એક્ટિવામાં પાછળ બેઠેલ મહિલાના પડખામાં કોઈ ધારદાર વસ્તુ લાગતા ગંભીર ઈજા થઈ હતી. બનાવ બાદ સારવાર મળે તે પહેલા જ મૃત્યુ નિપુજ્યું હતું. આ બનાવ અંગે પોલીર્સ ગુનો નોંધી એસ.ટી. બસ મુકી નાસી છુટેલા ચાલકની ધરપકડ કરવાની કાર્યવાહી હાથ ધરી છે.
પ્રાપ્ત વિગત મુજબ ગોંડલના વોરાકોટડા રોડ ઉપર વિજય નગરમાં રહેતા શિતલબેન મહેશભાઈ અમૃતિયા(ઉ.વ.૩૯) અને ગોંડલના ગુંદાળા રોડ ઉપર બ્રહ્માણીનગરમાં રહેતા વર્ષાબેન શૈલેષભાઈ ઘેટિયા (ઉ.વ.૪૦)ગઈ કાલે એક્ટિવા લઈ બન્ને બહેનો શિવરાજગઢ ગામે નિકળ્યા હતાં.
દરમિયાન ગોંડલ સબજેલ પાસે પૂરઝડપે આવતી એસ.ટી. બસના ચાલકે એક્ટિવા સ્કુટરનુ ઓવરટેક કરી શોર્ટ મારર્જિનમાં ઓચિંતા જ કાવો મારતા એક્ટિવા સાથે એસ.ટી. બસ અથડાઈ હતી. જેના કારણે બન્ને બહેનો પડી ગઈ હતી. જ્યારે ઉભા થઈને તપાસ કરતા વર્ષાબેનને પડખાના ભાગે મોટો ચીરો પડી ગયો હતો. અને લોહી નિકળતું હોય ૧૦૮ને જાણ કરતા તાત્કાલીક હોસ્પિટલે લઈ જવામાં આવ્યા હતા .પરંતુ વર્ષાબેનનું સારવાર મળે તે પહેલા જ મૃત્યુ નિપજ્યું હતું.
આ અકસ્માત બાદ એસ.ટી. બસનો ચાલક બસ રેઢી મુકીને નાસી ગયો હતો. પોલીસની પ્રાથમિક તપાસમાં ઓવરટેક કરતી વખતે એક્ટિવા સાથે બસ અથડાયા બાદ બસનું પતરું એક્ટિવામાં પાછળ બેઠેલ મહિલાના પડખામાં ઘુસી જતાં ગંભીર ઈજા થઈ હોવાની શંકા વ્યક્ત કરી છે.
બે બહેનો શિવરાજગઢ જતી હતી એ વખતે બસના ચાલકે એક્ટિવાને ઠોકર મારી મૃત્યુ નીપજાવ્યું
