Greece Forest Fire: યુનાનના જંગલમાં ભીષણ આગ ફાટી નીકળી, રેડ એલર્ટ જાહેર

• યુનાનની રાજધાની એથેન્સમાં ઉત્તરી વિસ્તારમાં જંગલોમાં આગ બેકાબૂ
• જંગલોમાં ફાટી નીકળેલી આગ માટે બે ડઝનથી વધુ વિમાનોની મદદ લેવાઈ
• આગળની ભયાનકતા જોતા તંત્રએ આસપાસના વિસ્તારોને ખાલી કરાયો

યુનાનની રાજધાની એથેન્સમાં એક નવા સંકટ સામે આવ્યું છે. એથેન્સના ઉત્તરી વિસ્તારમાં આવેલા ગાઢ જંગલોમાં આગ લાગી હતી. જો કે આ આગ સતત બેકાબૂ થઈ રહી છે. સતત ફેલાઈ હેલી આગ પર કાબૂ મેળવવા માટે બે ડઝનથી વધુ વિમાનોની મદદ લેવામાં આવી રહી છે. હેલિકોપ્ટરમાંથી પાણીનો મારો સતત ચલાવવામાં આવી રહ્યો છે. આ ઉપરાંત પાણીનો મારો ચલાવવા ફાયર બ્રિગેડની સેંકડો ગાડીઓ પણ સામેલ થઈ છે.

સોમવારે સવારે બાળકોની એક હોસ્પિટલ અને બીજા સૈન્ય હોસ્પિટલને ખાલી કરવામાં આવી છે. મેરાથોન અને એથેન્સના ઘણા પરા સહિત એક ડઝનથી વધુ વિસ્તારોને ખાલી કરવાનો આદેશ જાહેર કરવામાં આવ્યો છે. આસપાસના ઉપનગરોમાં લોકો માટે હોટલોમાં રૂમ ખોલી દેવામાં આવ્યા છે. 

ભારે પવનને લીધે આગ વિકરાળ બની

મળતી માહિતી અનુસાર, જગલમાં ભભૂકી ઉઠેલી આગને કાબૂ કરતા બે ફાયર બ્રિગેડના કર્મચારીઓ સામાન્ય રીતે ઈજાગ્રસ્ત થયા હતા. આ સિવાય ધૂમાડાને લીધે ગૂંગળામણની ફરિયાદને લઈ ઘણા નાગરિકોને હોસ્પિટલમાં સારવાર માટે ખસેડવામાં આવ્યા છે.ય આગને લીધે એથેન્સના આકાશમાં ધૂમાડાના ગોટેગોટા છવાયા છે. જેનાથી આસપાસમાં અંધારું છવાયું છે. રવિવારે બપોરે એથેન્સથી આશરે 35 કિલોમીટર દૂર લાગી હતી. જે ભારે પવનને લીધે આને વધુ ભડકાવી હતી. જેથી આગ હવે બેકાબૂ બની ગઈ છે. આ વર્ષે જૂન-જુલાઈમાં યુનામાં અત્યાર સુધી સૌથી ગરમ મહિનો હતો, અને આ અત્યાર સુધીનો સૌથી ગરમ શિયાળો પણ નોંધાયો છે.

રેડ એલર્ટ જાહેર કરવામાં આવ્યું

હવામાન વિભાગ અને સરકારી અધિકારીઓએ રવિવારથી ગુરુવાર સુધી હવામાનની સ્થિતિને લીધે જંગલમાં આગ લાગવાના વધતા ખતરાની ચેતવણી આપી છે. જળવાયુ સંકટ અને નાગરિક સુરક્ષા મંત્રીએ કહ્યું કે, જંગલોમાં આગ લાગવાના ખતરાને જોતા દેશના અડધા હિસ્સા માટે રેડ એલર્ટ જાહેર કરાયું છે.