- રાજ્યના કેટલાક વિસ્તારોમાં છૂટોછવાયો વરસાદ
- સૌરાષ્ટ્ર સહિતના દક્ષિણ ગુજરાતમાં વરસાદી માહોલ
- રાજ્યના 11 તાલુકામાં વરસાદી માહોલ જામ્યો
ગુજરાતમાં મેઘરાજાએ હવે મંડાણ કર્યા છે. તેવામાં હવામાન વિભાગે વરસાદને લઇ આગાહી કરી છે. ત્યારે રાજ્યના કેટલાક વિસ્તારોમાં છૂટોછવાયો વરસાદ પણ થઈ રહ્યો છે. ત્યારે હવામાન વિભાગે આગામી 4 દિવસ સામાન્યથી મધ્યમ વરસાદની આગાહી કરી છે. 19 જૂનના વલસાડ, દમણ, દાદરા નગર હવેલીમાં ભારે વરસાદની અગાહી કરવામાં આવી છે. આજે ગુજરાતના 11 તાલુકામાં મેઘરાજા બહેરબાન થયા છે. રાજકોટ, ભાવનગર, અમરેલી, દ્વારકા અને જામનગરમાં બપોર બાદ વરસાદી માહોલ જામ્યો છે.
મળતી માહિતી મુજબ, ગાંધીનગર સ્થિત સ્ટેટ ઈમરજન્સી ઑપરેશન સેન્ટર દ્વારા જારી કરવામાં આવેલા આંકડા અનુસાર, સવારે 6 થી સાંજે 4 વાગ્યા સુધીના 10 કલાકમાં રાજ્યના 11 તાલુકામાં વરસાદ નોંધાયો છે. જે પૈકી સૌથી વધુ વરસાદ નવસારી જિલ્લામાં નોંધાયો છે. અહીંના જલાલપોર તાલુકામાં 13 મિમી અને નવસારી તાલુકામાં 12 મિમી વરસાદ નોંધાયો છે.
સૌરાષ્ટ્રની વાત કરીએ તો, આજે સૌરાષ્ટ્રના પણ અનેક વિસ્તારોમાં વરસાદી માહોલ જામ્યો હતો. આજે બપોર બાદ સૌરાષ્ટ્રના મોટાભાગના વિસ્તારોમાં વાદળછાયા વાતાવરણ વચ્ચે વરસાદ તૂટી પડ્યો હતો. જેમાં રાજકોટ, અમરેલી, જામનગર, ભાવનગર, જામનગર, દ્વારકા સહિતના જિલ્લાઓમાં વરસાદ વરસ્યો હતો. અચાનક ધોધમાર વરસાદ તૂટી પડતા અનેક નીચાણવાળા ગામોમાં પાણી ભરાઈ ગયા હતા. બીજી તરફ વાવણી લાયક વરસાદ થતાં ખેડૂતોમાં પણ ખુશીની લહેર જોવા મળી હતી.
આ સિવાય ભાવનગરના જેસર તાલુકામાં 10 મિમી વરસાદ ખાબક્યો છે. આ ઉપરાંત સુરતના માંગરોળમાં 7 મિમી, વલસાડના કપરાડામાં 3 મિમી, આણંદના ખંભાત અને તાપીના સોનગઢમાં 2-2 મિમી વરસાદ નોંધાયો છે. આજે વહેલી સવારથી નવસારીના મંકોડિયા, સ્ટેશન રોડ, ટાવર રોડ સહિતના વિસ્તારોમાં વરસાદ તૂટી પડ્યો હતો.
આજે આ શહેરમાં મેઘરાજા ધમરોળશે?
હવામાન વિભાગ મુજબ, આજે ગાંધીનગર, અરવલ્લી, ખેડા, અમદાવાદ, આણંદ, પંચમહાલ, દાહોદ, વડોદરા, છોટાઉદેપુર, નર્મદા, ભરૂચ, સુરત, નવસારી, ડાંગ, વલસાડ, તાપી, દમણ, દાદરા નગર હવેલી, સુરેન્દ્રનગર, રાજકોટ, જુનાગઢ, અમરેલી, ભાવનગર, ગીર સોમનાથ, બોટાદમાં વરસાદની આગાહી છે.
16 જૂને પંચમહાલ, દાહોદ, વડોદરા, છોટાઉદેપુર, નર્મદા, ડાંગ, નવસારી, વલસાડ, તાપી, દમણ, દાદરા નગર હવેલી, ગીર સોમનાથ
17 જૂને ભરૂચ, સુરત, ડાંગ, નવસારી, વલસાડ, દમણ, દાદરા નગર હવેલી, અમરેલી, ભાવનગર
18 જૂને ભરૂચ, સુરત, ડાંગ, નવસારી, વલસાડ, દમણ, દાદરા નગર હવેલી, જુનાગઢ, અમરેલી, ભાવનગર, ગીર સોમનાથ
19 જૂને પંચમહાલ, દાહોદ, વડોદરા, છોટાઉદેપુર, નર્મદા, ભરૂચ, સુરત, ડાંગ, નવસારી, વલસાડ, તાપી, દમણ, દાદરા નગર હવેલી, જુનાગઢ, અમરેલી, ભાવનગર, ગીર સોમનાથ
20 જૂને વલસાડ, દમણ, દાદરા નગર હવેલીમાં ભારે વરસાદની આગાહી છે.
