- રાજ્યમાં ભારેથી અતિભારે વરસાદની આગાહી
- વલસાડ, નવસારી, સુરતમાં વરસાદનું રેડ એલર્ટ
- નર્મદા, તાપી અને ડાંગમાં ઓરેન્જ અલર્ટ
રાજ્યમાં એકસાથે ત્રણ વરસાદી સિસ્ટમ સક્રિય થઇ છે. જેમાં રાજ્યમાં ભારેથી અતિભારે વરસાદની આગાહી કરવામાં આવી છે. તેમજ વલસાડ, નવસારી, સુરતમાં વરસાદનું રેડ એલર્ટ જાહેર કરવામાં આવ્યું છે. જેમાં દમણ, દાદરા નગર હવેલીમાં વરસાદનું રેડ એલર્ટ છે. તેમજ જૂનાગઢ, દેવભૂમિ દ્વારકા તથા પોરબંદર અને રાજકોટમાં વરસાદનું રેડ એલર્ટ છે.
છોટાઉદેપુર, ભરૂચ, નર્મદા, તાપી અને ડાંગમાં ઓરેન્જ અલર્ટ
જામનગર, મોરબી, સુરેન્દ્રનગરમાં ઓરેન્જ એલર્ટ તેમજ બોટાદ, ભાવનગર, અમરેલી તથા ગીર સોમનાથ, દાહોદ, પંચમહાલ તથા છોટાઉદેપુર, ભરૂચ, નર્મદા અને તાપી અને ડાંગમાં વરસાદનું ઓરેન્જ એલર્ટ છે. આજે ક્યાંક અત્યંત ભર તો ક્યાંક ભારેથી અતિભારે વરસાદની આગાહી કરવામાં આવી છે. આજે વલસાડ, નવસારી, સુરત, દમણ દાદરા નગર હવેલી, જૂનાગઢ, દેવભૂમિ દ્વારકા, પોરબંદર અને રાજકોટમાં રેડ અલર્ટ સાથે જામનગર, મોરબી, સુરેન્દ્રનગર, બોટાદ, ભાવનગર, અમરેલી, ગીરસોમનાથ, દાહોદ, પંચમહાલ, છોટાઉદેપુર, ભરૂચ, નર્મદા, તાપી અને ડાંગમાં ઓરેન્જ અલર્ટ છે.
અમદાવાદ સહીત બાકીના જિલ્લાઓમાં આજે યલો અલર્ટ
અમદાવાદ સહીત બાકીના જિલ્લાઓમાં આજે યલો અલર્ટ સાથે આવતીકાલે દ્વારકા, પોરબંદર, જૂનાગઢ, રાજકોટ, પંચમહાલ, સુરત, નવસારી, વલસાડ, દમણ અને દાદરા નગર હવેલીમાં ઓરેન્જ અલર્ટ છે. જયારે બાકીના જિલ્લાઓમાં યલો અલર્ટની વરસાદની આગાહી કરવામાં આવી છે.
વરસાદથી ગોંડલિયા ગામે પસાર થતી વીરા નદી ગાંડીતૂર બની
સુરતના ઉમરપાડામાં સાંબેલાધાર વરસાદથી ગોંડલિયા ગામે પસાર થતી વીરા નદી ગાંડીતૂર બની છે. ગોંડલિયા ગામે વીરા નદીનો લો-લેવલ બ્રિજ પાણીમાં ગરકાવ થઈ ગયો છે. લો-લેવલ બ્રિજ પરથી પાણીનો ધસમસતો પ્રવાહ જોવા મળ્યો..જેથી અહીંયાથી અવરજવર બંધ થઈ ગઈ. ઉમરપાડામાં બારે મેઘ ખાંગા થતાં આ પ્રકારની સ્થિતિ જોવા મળી છે. સુરતના ઉમરપાડામાં SDRFની ટીમને એલર્ટ મોડ પર રખાઈ છે. ઉમરપાડામાં આભ ફાટતા તંત્ર સજ્જ સ્થિતિમાં છે. તમામ સાધન-સામગ્રી સાથે SDRFની ટીમ ખડેપગે છે. દરેક સ્થિતિમાં SDRFની ટીમ જરૂર જણાશે ત્યાં બચાવ કાર્યમાં જોડાશે. મૂશળધાર વરસાદને પગલે નર્મદાના નાંદોદનું લાછરસ ગામ પાણીમાં ગરકાવ થયું હોવાના દ્રશ્યો સામે આવ્યા છે. સતત વરસાદથી લાછરસ ગામમાં કમર સુધીના પાણી ભરાઈ ગયા છે. ગામમાં આવવા જવાનો રસ્તો બંધ થતા સ્થાનિકોને ભારે હાલાકી ભોગવવાનો વારો આવ્યો છે. જ્યાં જુઓ ત્યાં પાણી જ પાણીના દ્રશ્યો સામે આવ્યા છે.
