- ગિલોલ ગેંગના મુખ્ય સાગરીતની ધરપકડ કરવામાં આવી
- આરોપી રોસૈયા બાબુ ઉર્ફે હનુમૈયા ગોડેટીની ધરપકડ
- આરોપીએ સુરત, વડોદરા, નવસારી, વલસાડમાં ચોરી કરી છે
સુરતમાં 63 ગુનામાં વોન્ટેડ આરોપી પકડાયો છે. જેમાં ક્રાઈમ બ્રાન્ચે આંધ્રપ્રદેશથી આરોપીને ઝડપ્યો છે. ગિલોલ ગેંગના મુખ્ય સાગરીતની ધરપકડ થતા અન્ય આરોપીઓમાં ફફડાટ વ્યાપી ગયો છે. જેમાં આરોપી રોસૈયા બાબુ ઉર્ફે હનુમૈયા ગોડેટીની ધરપકડ કરવામાં આવી છે.
આરોપીએ સુરત, વડોદરા, નવસારી, વલસાડમાં ચોરી કરી
આરોપીએ સુરત, વડોદરા, નવસારી, વલસાડમાં ચોરી કરી હતી. તેમજ નર્મદા જિલ્લામાં પણ ચોરીને અંજામ આપ્યો હતો. જેમાં ગિલોલ વડે ફોરવ્હીલના કાચ તોડી રોસૈયા ચોરી કરતો હતો. લેપટોપ, રોકડ ભરેલી બેગ સહિતની આરોપી ચોરી કરતો હતો. આરોપીને આંધ્ર પ્રદેશના નેલ્લોર તાલુકાના કપરલતીપ્પા વિસ્તારમાંથી દબોચી લીધો છે. આરોપી રોસૈયા બાબુ ઉર્ફે હનુમૈયા વસંતમ ગોડેટીને પોલીસ 2022ના ફેબ્રુઆરીથી શોધી રહી હતી.
પોલીસે આરોપીની ધરપકડ કરતા વધુ ગુનાઓનો ભેદ ઉકેલાશે
ગુજરાતમાં વિવિધ શહેરોમાં ચોરી કરી આરોપી ગિલોલ વડે ફોરવ્હીલના કાચ તોડતો હતો. તેમજ મોપેડની ડીકી પણ તોડી નાંખતો હતો. જેમાં લેપટોપ, રોકડ ભરેલી બેગ સહિતની ચોરી કરતા આરોપી સામે ગુજરાત સહિત સમગ્ર ભારતમાં કુલ 67 ગુના નોંધાયા છે. જેમાં પોલીસે આરોપીની ધરપકડ કરતા વધુ ગુનાઓનો ભેદ ઉકેલાશે.
