- વાતાવરણને લઇ હવામાન વિભાગે આગાહી કરી
- સૌરાષ્ટ્ર કચ્છ, દક્ષિણ ગુજરાતમાં વરસાદની આગાહી કરવામાં આવી છે
- આજે વલસાડ, નવસારી,ડાંગમાં વરસાદની આગાહી કરાઈ છે
ગુજરાતમાં એક તરફ કાળઝાળ ગરમી છે,તો બીજી તરફ હવામાન વિભાગ દ્વારા વરસાદની આગાહી કરવામાં આવી છે,સૌરાષ્ટ્ર કચ્છ, દક્ષિણ ગુજરાતમાં વરસાદની આગાહી કરવામાં આવી છે,તો દાહોદ, છોટાઉદેપુરમાં પણ વરસાદની શકયતા છે.રાજ્યમાં આગામી 7 દિવસ વરસાદની આગાહી કરાઈ છે.
આજે છે વરસાદની આગાહી
રાજ્યમાં હાલ કાળઝાળ ગરમી પડી રહી છે. ત્યારે હવામાન વિભાગે ગુજરાતના છૂટાછવાયા સ્થળો પર આગામી સાત દિવસમાં વરસાદ પડવાની આગાહી કરવામાં આવી છે. હાલ ગુજરાતની બાજુમા ચાર સાયક્લોનિક સરક્યુલેશ બની રહ્યા છે. ત્યારે આજથી સાત દિવસ સુધી વરસાદની આગાહી કરવામાં આવી છે. વેસ્ટર્ન ડિસ્ટર્બન્સને કારણે ઉત્તર ભારતનાં કેટલાક ભાગોમાં સામાન્ય વરસાદ થવાની આગાહી કરવામાં આવી છે.હવામાન વિભાગના અમદાવાદ કેન્દ્રના મૌસમ વૈજ્ઞાનિક, રામાશ્રય યાદવના જણાવ્યા પ્રમાણે, ગુજરાતમાં સાત દિવસ સમાન્ય વરસાદની આગાહી આગાહી કરવામાં આવ્યું છે. તેમણે એમ પણ જણાવ્યુ કે, સૌરાષ્ટ્રમાં ચોથા અને પાંચમાં દિવસે સામાન્ય વરસાદની શક્યતા છે.
હળવો વરસાદ થશે
રામાશ્રય યાદવે જણાવેલી આગાહી પ્રમાણે, સાયક્લોનિક સરક્યુલેશ નોર્થ-ઈસ્ટ અરેબિયન સીમાં બન્યું છે જેની અસરને કારણે પહેલા દિવસે વરસાદ વરસવાની આગાહી છે. આની અસર ગુજરાત કાંઠાની આસપાસ રહેશે. જેના કારણે ગુજરાતના છૂટાછવાયા વિસ્તારોમાં હળવો વરસાદ થશે.આજે વલસાડ, નવસારી, ડાંગ, અરવલ્લી, મહિસાગર, પંચમહાલ, દાહોદ, છોટા ઉદેપુર, નર્મદામાં વરસાદની આગાહી છે.
દેશને લઈ હવામાન વિભાગની આગાહી
હવામાન વિભાગ અનુસાર પશ્ચિમ બંગાળમાં 10 મે અને ઓડિશામાં 10 થી 12 મે દરમિયાન અલગ-અલગ સ્થળોએ ભારે વરસાદની શક્યતા છે. તે જ સમયે, ઉત્તર-પૂર્વના રાજ્યોમાં પણ ભારે વરસાદની સંભાવના વ્યક્ત કરવામાં આવી હતી.પશ્ચિમ રાજસ્થાન સિવાય દેશના અન્ય ભાગોમાંથી હીટવેવ ગઈ છે. એએનઆઈના અહેવાલ મુજબ, ભારતીય હવામાન વિભાગના વૈજ્ઞાનિક સોમા સેને કહ્યું કે, માત્ર પશ્ચિમ રાજસ્થાન અને કેરળમાં હીટવેવ અને યલો એલર્ટ જારી કરવામાં આવ્યું છે.
