- હવેથી H-1B વિઝા રિન્યુ કરાવવા માટે સ્વદેશ આવવુ નહી પડે
- વિઝા રિન્યુઅલ પાયલટ પ્રોગ્રામથી ભારતીયોને મોટો ફાયદો
- 24 જાન્યુઆરીથી આ પાયલટ પ્રોગ્રામ શરુ થશે
H-1B વિઝા એ નોન-ઇમિગ્રન્ટ વિઝા છે. તે અમેરિકન કંપનીઓને વિદેશી કામદારો રાખવાની મંજૂરી આપે છે. જ્યારે પણ કોઈ વ્યક્તિ અમેરિકન કંપનીમાં કામ કરે છે ત્યારે તેને H-1B વિઝા આપવામાં આવે છે. આ સમયે અમેરિકામાં વસતા ભારતીયો માટે મોટા સમાચાર સામે આવ્યા છે. જેમાં હવેથી વિઝાને રિન્યૂ કરાવવાની પ્રોસેસમાં ફેરફાર કરાયો છે. હા હવે 14 જાન્યુઆરીથી વિઝા રિન્યુઅલ પાયલટ પ્રોગ્રામ શરૂ કરવામાં આવશે અને તેમાં ભારતીયોને મોટો ફાયદો થશે. આ પ્રોજેક્ટની મદદથી અમેરિકામાં વસવાટ કરીને જ આ પ્રકારના વિઝા રિન્યુ થઈ શકશે.
ભારતીય IT પ્રોફેશનલ્સ અને કેનેડિયન નાગરિકોને ફાયદો
આ પ્રોગ્રામથી 10 લાખથી વધુ લોકોને ફાયદો થશે તેમ જણાવવામાં આવ્યું છે. H-1B વિઝા પાયલટ પ્રોગ્રામ માત્ર ભારતીયો અને કેનેડિયન માટે ખાસ તૈયાર કરવામાં આવ્યો છે. જૂનમાં PM મોદીના અમેરિકી પ્રવાસ દરમિયાન ઘોષણા થઈ હતી. આ અંતર્ગત અમેરિકામાં કામ કરતા ભારતીય આઈટી પ્રોફેશનલ્સ અને કેનેડિયન નાગરિકોને ફાયદો થશે. આ પ્રોગ્રામ એવી કંપનીઓ માટે પણ છે જેમના H-1B કર્મચારીઓ કામ માટે વિદેશ જવા માગે છે.
અમેરિકાએ આ નિર્ણય વડાપ્રધાન નરેન્દ્ર મોદીની મુલાકાતના ઘણા મહિનાઓ બાદ લીધો છે. જૂનમાં, જ્યારે પીએમ મોદી અમેરિકાના રાજ્ય પ્રવાસ પર ગયા હતા, ત્યારે H-1B વિઝાની નવીકરણ પ્રક્રિયાને સરળ બનાવવા માટે કામ ચાલી રહ્યું હતું. આ કાર્યક્રમની ઔપચારિક જાહેરાત પીએમ મોદીની મુલાકાત સમયે કરવામાં આવી હતી.
વિઝા રિન્યુ કેવી રીતે થશે?
H-1B વિઝા એ નોન-ઇમિગ્રન્ટ વિઝા છે. તે અમેરિકન કંપનીઓને વિદેશી કામદારો રાખવાની મંજૂરી આપે છે. જ્યારે પણ કોઈ વ્યક્તિ અમેરિકન કંપનીમાં કામ કરે છે ત્યારે તેને H-1B વિઝા આપવામાં આવે છે. અત્યાર સુધી એવું થતું હતું કે જો કોઈ વ્યક્તિના H-1B વિઝાની સમયસીમા સમાપ્ત થઈ ગઈ હોય, તો તેને રિન્યુ કરાવવા માટે ફરીથી તેના દેશમાં પાછા ફરવું પડતું હતું. પરંતુ હવે તમારે નવીકરણ પ્રક્રિયા માટે ઘરે આવવું પડશે નહીં. હવે તમે અમેરિકામાં રહીને તમારો વિઝા મેઇલ કરી શકો છો અને પછી તે રિન્યુ કરવામાં આવશે. નવીકરણ પ્રક્રિયા દરમિયાન વ્યક્તિએ યુએસની બહાર રહેવાની જરૂર રહેશે નહીં. તેમણે સ્પષ્ટ કર્યું કે વિઝા રિન્યુઅલની આ પ્રક્રિયા માત્ર વર્ક વિઝા માટે છે. અન્ય પ્રકારના વિઝા માટેની પ્રક્રિયામાં કોઈ ફેરફાર નથી.
ભારતીયોને કેવી રીતે ફાયદો થશે?
ભારતીય-અમેરિકન સમુદાયના નેતા અજય જૈન ભુટોરિયાએ બાઈડેન સરકારના આ નિર્ણયને ‘મહત્વપૂર્ણ’ ગણાવ્યો છે. H-1B વિઝાની નવીકરણ પ્રક્રિયાને સરળ બનાવવાથી લગભગ 10 લાખ લોકોને ફાયદો થશે અને તેમાંથી મોટી સંખ્યામાં ભારતીયો હશે. અમેરિકામાં લાખો ભારતીયો કામ કરે છે. 2022માં યુએસ સરકારે 4.42 લાખ લોકોને H-1B જારી કર્યા હતા. જેમાંથી 73 ટકા ભારતીયો હતા.
H1B વિઝા શું છે?
H-1B વિઝા એ નોન-ઇમિગ્રન્ટ વિઝા છે. H1B વિઝા સામાન્ય રીતે એવા લોકોને આપવામાં આવે છે જેઓ કામ કરવા માટે અમેરિકા જાય છે. બીજા શબ્દોમાં કહીએ તો, આ વિઝા અમેરિકન કંપનીઓમાં કામ કરતા આવા કુશળ કર્મચારીઓને રાખવા માટે આપવામાં આવે છે જેમની અમેરિકામાં અછત છે. આ પછી તેને ગ્રીન કાર્ડ આપવામાં આવે છે. આ વિઝાની માન્યતા છ વર્ષની છે. અમેરિકન કંપનીઓની માંગને કારણે ભારતીય આઇટી પ્રોફેશનલ્સને આ વિઝા સૌથી વધુ મળે છે. જે લોકોના H-1B વિઝાની સમયસીમા સમાપ્ત થઈ રહી છે તેઓ અમેરિકન નાગરિકતા માટે અરજી કરી શકે છે. H-1B વિઝા ધરાવનાર વ્યક્તિ તેના બાળકો અને પત્ની સાથે અમેરિકામાં રહી શકે છે.
