- ઇઝરાયેલ અને હમાસ વચ્ચે ઘમાસાણ યુદ્ધ યથાવત
- હમાસ કમાન્ડર મહમૂદ અલ જાહરએ ઇઝરાયેલને આપી ધમકી
- “અમારું રાજ અને કાયદો સમગ્ર વિશ્વ પર લાગુ કરવામાં આવશે”
ઇઝરાયેલ અને હમાસ વચ્ચે ઘમાસાણ યુદ્ધ ચાલી રહ્યું છે. આ યુદ્ધે સમગ્ર વિશ્વને હચમચાવી નાખ્યું છે. અત્યાર સુધીમાં બંને પક્ષે 2200થી વધુ લોકોએ જીવ ગુમાવ્યા છે, જ્યારે હજારો લોકો ઘાયલ થયા છે. ઈઝરાયેલ સાથે ચાલી રહેલા યુદ્ધ વચ્ચે હમાસ કમાન્ડર મહમૂદ અલ જાહરએ ઇઝરાયેલને ધમકી આપી છે.
મળતી માહિતી મુજબ ઇઝરાયેલ-હમાસ વચ્ચે યુદ્ધ યથાવત છે. આ યુદ્ધે સમગ્ર વિશ્વમાં ભયનો માહોલ જોવા મળી રહ્યા છે. તેવામાં ઇઝરાયેલ સાથે ચાલી રહેલા યુદ્ધમાં હમાસ કમાન્ડર મહમૂદ અલ જાહરનો એક વીડિયો સામે આવ્યો છે. આમાં, હમાસ કમાન્ડરે ચેતવણી આપી હતી કે, ઈઝરાયેલ આતો માત્ર શરૂઆત છે, અમારું રાજ અને કાયદો સમગ્ર વિશ્વ પર લાગુ કરવામાં આવશે… કોઈ યહૂદી અથવા ખ્રિસ્તી દેશદ્રોહીને છોડવામાં આવશે નહીં. હમાસ માત્ર પેલેસ્ટાઈનને જ નહીં પરંતુ સમગ્ર વિશ્વને આઝાદ કરશે.
આખી દુનિયા અમારા કાયદાનું પાલન કરશે – હમાસના કમાન્ડર
મહમૂદ અલ-ઝારે ચેતવણી આપી હતી કે, ‘ઈઝરાયેલ અમારું પહેલું નિશાન છે. ટૂંક સમયમાં આખી દુનિયા આપણા કાયદા હેઠળ આવશે. 510 મિલિયન ચોરસ કિલોમીટરનું આખું વિશ્વ એક એવી વ્યવસ્થા હેઠળ આવશે જ્યાં કોઈ અન્યાય, કોઈ જુલમ અને કોઈ ગુનો નહીં હોય, જેમ કે તમામ આરબ દેશો, લેબનોન અને સીરિયામાં પેલેસ્ટિનિયનો સાથે કરવામાં આવી રહ્યું છે.’
ઇઝરાયેલ હમાસને ‘કચડી નાખશે’: PM નેતન્યાહૂ
હમાસ કમાન્ડરની ચેતવણી બાદ ઇઝરાયેલના પીએમ બેન્જામિન નેતન્યાહૂએ કહ્યું કે ઇઝરાયેલ હમાસને ‘કચડીને ખતમ’ કરશે.નેતન્યાહૂએ કહ્યું કે હમાસના દરેક સભ્ય આતંકવાદી સંગઠન ISI કરતા પણ ડેન્જર છે અને અમે તેનો ઘૂંટણાભર કરી દેશું. નેતન્યાહુ અને ટોચના વિપક્ષી નેતા પેલેસ્ટિનિયન આતંકવાદી જૂથ હમાસ સામેના યુદ્ધની દેખરેખ માટે ઇઝરાયેલ સતર્કતાથી હુમલો કરી રહ્યો છે.
‘અમે ગ્રાઉન્ડ એટેકની તૈયારી કરી રહ્યા છીએ’
ઈઝરાયેલની સેનાએ કહ્યું છે કે તે ગાઝામાં સંભવિત ગ્રાઉન્ડ ઓપરેશનની તૈયારી કરી રહી છે, પરંતુ દેશના નેતાઓએ હજુ સુધી આ અંગે કોઈ નિર્ણય લીધો નથી. લેફ્ટનન્ટ કર્નલ રિચાર્ડ હેચટે ગુરુવારે પત્રકારોને જણાવ્યું હતું કે દળો “ગ્રાઉન્ડ ઓપરેશનની તૈયારી કરી રહ્યા છે…” ઇઝરાયલે સપ્તાહના અંતે હમાસ દ્વારા ઘાતક હુમલાનો બદલો લેવા માટે લગભગ 360,000 સૈનિકો આ ઓપરેશનમાં રણમેદાનમાં ઝંપલાવશે.
અગાઉ, ઇઝરાયેલની સેનાએ બુધવારે કહ્યું હતું કે તેમના દેશમાં 189 સૈનિકો સહિત 1,200 થી વધુ લોકો માર્યા ગયા છે. ગાઝા અધિકારીઓના જણાવ્યા અનુસાર, ત્યાં 1,100 લોકો માર્યા ગયા છે. બંને પક્ષે હજારો લોકો ઘાયલ થયા છે. ઇઝરાયેલના વિસ્તારમાં લગભગ 1,500 હમાસ આતંકવાદીઓ અને ગાઝાની અંદર સેંકડો હમાસના આતંકવાદીઓ માર્યા ગયા છે.
