- હમાસ ઇઝરાયેલ વચ્ચે ઘમાસાણ યુદ્ધ યથાવત
- ગાઝા શહેરમાં ઇઝરાયેલી ટેન્કો સતત આગળ વધી
- હિઝબોલ્લાહનો દાવો, ઈઝરાયેલનું ડ્રોન તોડી પાડ્યું
ઈઝરાયેલના હજારો જવાનો હવે ગાઝામાં હમાસને ખતમ કરવામાં વ્યસ્ત છે. ઈઝરાયેલે ઉત્તરી ગાઝા પર ગોળીબાર સાથે હવાઇ હુમલો કર્યો હતો, ઇઝરાયેલી ટેન્કો ગાઝા શહેરમાં સતત આગળ વધી રહી છે, જ્યારે હમાસ આતંકવાદીઓ તેમનો પ્રતિકાર કરી રહ્યા છે. હમાસના આતંકીઓ ટનલમાંથી બહાર આવી રહ્યા છે અને ઇઝરાયલી સૈનિકો પર મોર્ટાર છોડ્યા બાદ પરત ફરી રહ્યા છે.
હમાસ ઇઝરાયેલ વચ્ચે ઘમાસાણ યુદ્ધ યથાવત
ઇઝરાયેલના સરક્ષણ મંત્રાલયે જણાવ્યું હતું કે, ગુરુવારે ઇજિપ્તની રફાહ બોર્ડર ક્રોસિંગ દ્વારા માનવતાવાદી સહાય વહન કરતી 62 ટ્રક ગાઝામાં પ્રવેશી હતી. ઇઝરાયેલી મિલિટરી ફોર્સિસ (IDF) એ ગુરુવારે પશ્ચિમ કાંઠે એક ઇઝરાયેલી યુવક મૃત હાલતમાં મળી આવ્યા બાદ ફરી એક મોટું ઓપરેશન શરૂ કર્યું. ઇઝરાયેલ દ્વારા હમાસ પર જમીની હુમલો અને હવાઈ અને દરિયાઈ એટેક કરવાનું સતત ચાલું રાખ્યું છે. હમાસના ડઝન જેટલા લડવૈયા માર્યા ગયા હોવાનો દાવો કરવામાં આવ્યો છે.
આતંકીને ખતમ કરવા ઇઝરાયેલનું ગ્રાઉન્ડ ઓપરેશન શરૂ
ઇસ્લામિક આતંકવાદીઓનો ગઢ ગણાતા ગાઝા પટ્ટીની મુખ્ય વસ્તી સુધી યુદ્ધ પહોંચી ગયું છે. ઈઝરાયેલ નાગરિકોને ઉત્તરી ગાઝા છોડવા માટે કહેવામાં આવી રહ્યું છે. હમાસના આતંકીઓ અને સહયોગી ઇસ્લામિક જેહાદ ટનલમાંથી બહાર આવતા અને ઇઝરાયેલી ટેન્કોને નિશાન બનાવતા દર્શાવે છે. જો કે, ઇઝરાયેલી અધિકારીઓએ શહેરી વાતાવરણમાં લડવાની મુશ્કેલીઓનો સ્વીકાર કર્યો. તેમની વ્યૂહરચના સમગ્ર ગાઝાને બદલે ગાઝા પટ્ટીના ઉત્તરમાં જમીની હુમલો કરવાનું ઓપરેશન હાથ ધરવામાં આવ્યું છે.
જબાલિયામાં કોઈ શરણાર્થી શિબિર ન હતી: ઈઝરાયેલ
ઇઝરાયેલના સૈન્ય પ્રવક્તા જોનાથન કેનરિકસે બુધવારે જબાલિયા પરના હુમલાની પુષ્ટિ કરતા કહ્યું કે તે પેલેસ્ટિનિયનો માટે કાયમી સમાધાન છે અને શરણાર્થી શિબિર નથી. ઇઝરાયલી દળોએ મંગળવારે દાવો કર્યો હતો કે હુમલામાં ડઝનબંધ આતંકવાદીઓ માર્યા ગયા છે. જેમાં જબલિયા બટાલિયનના કમાન્ડર ઈબ્રાહિમ બિયારીનો સમાવેશ થાય છે.
‘જ્યાં સુધી ઇઝરાયલનો નાશ ન થાય ત્યાં સુધી અમે હુમલા ચાલુ રાખીશું’
ધ ટાઈમ્સ ઓફ ઈઝરાયેલના અહેવાલ મુજબ, હમાસના એક વરિષ્ઠ સભ્યએ 7 ઓક્ટોબરે ઈઝરાયેલ પર થયેલા હુમલાને યોગ્ય ઠેરવ્યો છે. તેમણે ભારપૂર્વક જણાવ્યું હતું કે જો તક આપવામાં આવે તો, ઇઝરાયેલને નાબૂદ ન થાય ત્યાં સુધી આતંકવાદી જૂથ ભવિષ્યમાં સમાન હુમલાઓનું પુનરાવર્તન કરશે. હમાસના રાજકીય બ્યુરોના સભ્ય ગાઝી હમાદે લેબનીઝ ટેલિવિઝન ચેનલ એલબીસી સાથેની મુલાકાતમાં તેમની ટિપ્પણીઓ શેર કરી. તે જ સમયે હમાસના એક આતંકવાદીએ કહ્યું કે અમારો ઈરાદો લોકોને બંધક બનાવવાનો નહોતો, અમારું ઓપરેશન લોકોને મારવાનું હતું.
તાજેતરના હુમલામાં 195 પેલેસ્ટાઈન માર્યા ગયા
ગાઝાના હમાસ-નિયંત્રિત મીડિયાએ જણાવ્યું હતું કે તાજેતરના હુમલામાં 195 પેલેસ્ટિનિયન માર્યા ગયા હતા. ગુરુવારે, ખાન યુનિસ નગર પાસે ઇઝરાયલી ટેન્ક દ્વારા કરવામાં આવેલા બોમ્બમારામાં ત્રણ લોકો માર્યા ગયા હતા અને એક શાળામાં સંયુક્ત રાષ્ટ્ર દ્વારા સંચાલિત શરણાર્થી શિબિર પર હવાઈ હુમલામાં પાંચ લોકો માર્યા ગયા હતા. IDFએ કહ્યું કે ગ્રાઉન્ડ ઓપરેશન શરૂ થયા બાદ અમારા 17 સૈનિકોએ જીવ ગુમાવ્યો છે. જ્યારે 7 ઓક્ટોબરે હમાસ દ્વારા કરવામાં આવેલા હુમલા બાદ અત્યાર સુધીમાં 332 સૈનિકોના મોત થયા છે. તે જ સમયે, ગાઝાના આરોગ્ય અધિકારીઓના જણાવ્યા અનુસાર, ઓછામાં ઓછા 9,061 પેલેસ્ટિનિયનોએ ઇઝરાયેલના બોમ્બ ધડાકામાં જીવ ગુમાવ્યો છે, જેમાં 3,760 બાળકો અને 2,326 મહિલાઓનો સમાવેશ થાય છે.
હિઝબોલ્લાહનો દાવો, ઈઝરાયેલનું ડ્રોન તોડી પાડ્યું
ઈરાન સમર્થિત આતંકવાદી સંગઠન હિઝબુલ્લાહે ગુરુવારે દાવો કર્યો હતો કે તેણે દક્ષિણ લેબનોનમાં સપાટીથી સપાટી પર માર કરનાર મિસાઈલ સાથે ઈઝરાયેલી ડ્રોનને તોડી પાડ્યું છે. સીએનએનના અહેવાલ મુજબ, તેણે દાલ-માલિકિયા અને હુનીન ગામો પાસે ડ્રોનને ઉડતું જોઈને આ કાર્યવાહી કરી.
