- ઈઝરાયેલની એર ડિફેન્સ સિસ્ટમ નિષ્ફળ થઈ ગઈ
- હમાસ તરફથી સતત થઈ રહ્યો છે બોંબમારો
- જુદા જુદા 44 વિદેશી નાગરિકોના મોત નીપજ્યા
હમાસ અને તેના આતંકવાદીઓ આક્રમક રીતે ઇઝરાયેલ પર હુમલો કરી રહ્યા છે. વિદેશી નાગરિકોને પણ છોડવામાં આવી રહ્યા નથી. શનિવારથી ચાલી રહેલા આ હુમલાઓમાં અત્યાર સુધીમાં દુનિયાભરના 44 વિદેશી નાગરિકોના મોત થયા છે. ત્રણ ભારતીય નાગરિકો સહિત 150 જેટલા વિદેશીઓ ગુમ છે. જેમને શોધવાનો પ્રયાસ કરવામાં આવી રહ્યો છે. હમાસે શનિવારે સવારે ઇઝરાયલ પર હુમલા શરૂ કર્યા હતા. ગાઝામાંથી છોડવામાં આવેલા રોકેટની સંખ્યા એટલી વધારે હતી કે ઇઝરાયેલની એન્ટી એર ડિફેન્સ સિસ્ટમ પણ મોટી નિષ્ફળતા સાબિત થઇ હતી.
ત્રણ ભારતીયો થયા લાપતા
આ સિવાય હમાસના હત્યારાઓ વાડ કાપીને ઈઝરાયેલમાં ઘૂસી ગયા હતા. મોટાપાયે નરસંહાર કર્યો હતો. જેમાં ઈઝરાયેલના લગભગ 1200 લોકોના મોત થયા હતા, ઘાયલોની સંખ્યા પણ હજારોમાં છે. ખાસ વાત એ છે કે હમાસ દ્વારા કરવામાં આવેલા આ હુમલાઓમાં 44 વિદેશી નાગરિકોના મોતની પણ પુષ્ટિ કરવામાં આવી છે. આ સિવાય 150 થી વધુ લોકો ગુમ થયા હોવાના અહેવાલ છે. ઈઝરાયેલ સરકાર દ્વારા જાહેર કરવામાં આવેલા રિપોર્ટ અનુસાર જે વિદેશી નાગરિકો ગયા હતા. તેમાં ત્રણ ભારતીય પણ સામેલ છે. જેની કોઈ પ્રકારની ભાળ મળી નથી.
યાદી જાહેર કરવામાં આવી
ઇઝરાયેલ સરકાર દ્વારા સોશિયલ મીડિયા પ્લેટફોર્મ પર આપવામાં આવેલી માહિતી અનુસાર, આ જ નંબર ગુમ થયાની જાણ કરવામાં આવી છે. ખાસ વાત એ છે કે ઈઝરાયેલ-હમાસ યુદ્ધમાં તટસ્થ દેખાઈ રહેલ રશિયા પાસે સૌથી વધુ 16 લાપતા નાગરિકો છે, અહીંના 2 નાગરિકોના પણ મોત થયા છે, ચીનના 2 નાગરિકો માર્યા ગયા છે અને 3 લાપતા છે. હમાસના હુમલામાં અમેરિકા, રશિયા અને ચીન ઉપરાંત ફ્રાન્સના 9 નાગરિકો માર્યા ગયા છે અને 14 લાપતા છે, થાઈલેન્ડના 9 નાગરિકો લાપતા છે, તુર્કીના એક નાગરિકનું મોત થયું છે અને એક લાપતા છે, યુક્રેનના 7 નાગરિકો માર્યા ગયા છે, 9 ગુમ થયા છે, યુકેમાંથી 2, અઝરબૈજાનમાંથી 1, આર્જેન્ટીનાથી 1, બેલારુસમાંથી 2, બ્રાઝિલમાંથી 2, દક્ષિણ આફ્રિકામાંથી 2, સ્પેનમાંથી 3, હંગેરીમાંથી 2. કેનેડા, સુદાન અને ફિલિપાઈન્સના એક-એક નાગરિકનું મોત થયું છે. પુષ્ટિ કરવામાં આવી છે. આ દેશોમાં આર્જેન્ટિનાના સૌથી વધુ 23 નાગરિકો ગુમ છે, આ સિવાય યુકેના 12, ઈટાલીના 10 અને જર્મનીના 7 નાગરિકો સહિત લગભગ 150 લોકો ગુમ છે.
