- કેટલાક દેશોનાં સમર્થનથી હમાસનાં આત્મવિશ્વાસમાં વધારો
- હમાસે ઈઝરાયેલને ગાઝામાં પ્રવેશ પર આપી ચેતવણી
- આતંકી સંગઠને 1,200 લડવૈયાઓ મોકલ્યા ઈઝરાયેલ
ઈઝરાયેલ-હમાસ યુદ્ધને લઈને વિશ્વના ઘણા દેશો બે જૂથોમાં વહેંચાઈ ગયા છે. દરેક દેશ પોતપોતાના સ્થાપિત હિતોને અનુસરી રહ્યા છે. આ દરમિયાન પેલેસ્ટાઈનનાં આંતકવાદી સંગઠન હમાસે ઈઝરાયલી સેનાને ખુલ્લો પડકાર ફેંકી ગાઝામાં ઘૂસવાની ભૂલ ન કરવા ચેતવણી આપી છે.
ઈઝરાયેલને ખુલ્લો પડકાર
આતંકવાદી સંગઠન હમાસે ઈઝરાયેલને ખુલ્લો પડકાર ફેંક્યો છે. હમાસે કહ્યું છે કે ગાઝા બગીચો નથી, અહીં પ્રવેશવું મોંઘું પડશે. અમે અમારા 1,200 લડવૈયાઓને ઈઝરાયેલ મોકલ્યા. અમારું સંગઠન ખૂબ જ મજબૂત છે. હમાસે કહ્યું કે અમે ઇઝરાયલી સૈનિકોની તૈનાતીથી ડરતા નથી. તેઓ ગાઝામાં ઇઝરાયેલી સૈનિકોની સંભવિત તૈનાતી માટે તૈયાર છે કારણ કે ગાઝા પટ્ટી પર ઇઝરાયેલ દ્વારા છઠ્ઠા દિવસે પણ બોમ્બમારો ચાલુ છે. અમે કોઈથી ડરતા નથી. આ અમારો સંકલ્પ છે. અમારી પાસે ઘણા બધા લડવૈયાઓ છે અને ઘણી બધી શક્તિઓ છે જે અમને ટેકો આપવા માંગે છે.
ઇઝરાયેલની સુરક્ષા વ્યવસ્થા તોડી નાખી
હમાસે કહ્યું હતું કે ગાઝામાં પ્રવેશવાનો પ્રયાસ ન કરશો. અમે ઇઝરાયલની સેનાથી ડરતા નથી. ગાઝા બગીચો નથી, તેમાં પ્રવેશવું મોંઘું પડશે. અમારી પાસે પુષ્કળ લડવૈયાઓ છે, અમને કોઈ પરવા નથી. અમે મજબૂત છીએ. જોર્ડન અને લેબનોનના લોકો અમારી સાથે છે. અમે ઇઝરાયેલની સુરક્ષા વ્યવસ્થા તોડી નાખી છે. ઈઝરાયલની મહાસત્તા તરીકેની છબી નષ્ટ થઈ ચૂકી છે. ઇઝરાયલી ગુપ્તચર સંસ્થા પણ નિષ્ફળ ગઈ છે.
યુદ્ધમાં મૃત્યુઆંક વધ્યો
ઇઝરાયેલ-હમાસ યુદ્ધમાં મૃત્યુઆંક વધી રહ્યો છે. બંને તરફથી જબરદસ્ત હુમલા કરવામાં આવી રહ્યા છે. ઇઝરાયેલ ગાઝા પટ્ટીમાં હમાસના સ્થાનો પર બોમ્બમારો કરી રહ્યું છે. એવા પણ સમાચાર છે કે ઇઝરાયલે યુદ્ધના આગામી તબક્કાની તૈયારી શરૂ કરી દીધી છે. ઈઝરાયેલ અને હમાસ વચ્ચે છઠ્ઠા દિવસે પણ યુદ્ધ ચાલુ છે. અત્યાર સુધીમાં 4 હજારથી વધુ લોકોના મોત થયા છે. ઈઝરાયલની જવાબી કાર્યવાહી બાદ ગાઝા પર એવી તબાહી મચી ગઈ છે કે આખું શહેર કાટમાળમાં ગરકાવ થઈ ગયું હોય તેવું લાગી રહ્યું છે. ઇઝરાયેલ હમાસના આતંકવાદીઓને ઈરાદાપૂર્વક નિશાન બનાવી રહ્યું છે.
ઇઝરાયેલ યુદ્ધના આગલા તબક્કાની તૈયારી કરી રહ્યું છે
યુદ્ધમાં બંને પક્ષે લોકો માર્યા જાય છે. ઈઝરાયલના સુરક્ષા દળોના 220 થી વધુ સૈનિકોના મોત થયા છે. આ ઉપરાંત 1,300 થી વધુ ઇઝરાયેલી નાગરિકો પણ માર્યા ગયા છે. હમાસના હુમલામાં 3 હજારથી વધુ લોકો ઘાયલ થયા છે. આ દરમિયાન હમાસ સાથેના યુદ્ધને લઈને ઈઝરાયેલી સેનાનું મોટું નિવેદન સામે આવ્યું છે. ઇઝરાયેલી સેનાએ કહ્યું છે કે તે યુદ્ધના આગામી તબક્કાની તૈયારી કરી રહ્યું છે. આ યુદ્ધ ક્યારે થશે તેનો નિર્ણય કેબિનેટ કરશે. ઈઝરાયેલની સેનાએ એમ પણ કહ્યું છે કે ગાઝા પટ્ટી દ્વારા ઈઝરાયેલમાં ઘૂસીને હુમલાઓ કર્યા બાદ 2,000 આતંકવાદીઓ ગાઝા પરત ફર્યા છે.
