ખોવાઇ ગઇ છે ડરામણી ઢીંગણી. જે દુનિયામાં સૌથી ખતરનાક માનવામાં આવે છે. આનુ નામ છે ‘એનાબેલ ડૉલ’. આ ‘એનાબેલ ડૉલ’ પરથી હોલીવુડમાં ફિલ્મો પણ બની છે. જે દર્શકોને ખૂબ પસંદ પડી હતી. ‘એનાબેલ ડૉલ’ને મ્યુઝિયમમાં રાખવામાં આવી હતી. પરંતુ હવે તે ત્યાંથી ગાયબ છે. આ રહસ્યમય ઢીંગલી વિશે સોશિયલ મીડિયા પર ચર્ચાઓ શરુ થઇ છે. અને ખબર વાયરલ થઇ છે. ‘એનાબેલ ડૉલ’ના ગાયબ થવા પાછળ શું સત્ય છે, શું રહસ્ય છે કે માત્ર અફવા છે તે અંગે તપાસ શરુ છે.
વિશ્વ વિખ્યાત ‘ભૂતિયા’ એનાબેલ ઢીંગલી ગાયબ
‘એનાબેલ ડૉલ’ ગાયબ થવાના સમાચાર ઇન્ટરનેટ પર પવનની ગતિએ ફેલાયા છે. અહીં યુઝર્સ વિચિત્ર દાવો કરીને ખળભળાટ કરી રહ્યા છે. આખરે સત્ય શું છે તે જાણવા માટે તમામ લોકો ઉત્સુક છે. લ્યુઇસિયાનાના સ્થાનિક લોકોએ દાવો કર્યો છે કે, ‘એનાબેલ ડૉલ’ ગાયબ થઇ ગઇ છે. તે કોઇ પ્રાણીના કબ્જામાં હોવાનું મનાઇ રહ્યુ છે. તે અલૌકિક પ્રવાસ પર હતી. અને હવે તે રહસ્યમય સંજોગોમાં તેના સ્થાન પર નથી. પરંતુ આ મામલે તપાસ શરુ કરાઇ છે. અને જનતાને શાંત રહેવા માટે અપીલ કરાઇ છે. આ મામલે કોઇપણ પ્રકારની અફવા પર ધ્યાન ન આપવા માટે અપીલ કરાઇ છે. આગની ઘટના કે અન્ય કોઇપણ ઘટનાને ‘એનાબેલ ડૉલ’ સાથે જોડવી જરુરી નથી.
અફવા કે સત્ય?
આ અફવાઓનું ખંડન કરવા માટે NESPRના ડેન રિવેરા કનેક્ટિકટના સંગ્રહાલયની અંદર ગયા અને દાવો કર્યો કે એનાલી હજુ પણ ત્યાં છે. “તે ખોવાઈ નથી,” તેણે એક ફોટો સાથે પોસ્ટ કર્યું. “અન્નાબેલ હાલ પૂરતું કનેક્ટિકટના મ્યુઝિયમમાં ઘરે પાછી આવી ગઈ છે…” અધિકારીઓએ પણ પુષ્ટિ આપી છે કે આગની ઘટના ‘એનાબેલ ડૉલ’ સાથે જોડાયેલી નથી.
