- પાકિસ્તાનમાં ચૂંટણી તૈયારીઓ પૂરજોશમાં ચાલી
- સવીરાએ પિતાના પગલે ચાલીને દાવેદારી નોંધાવી
- હું તબીબી પૃષ્ઠભૂમિમાંથી આવી છું અને માનવતાની સેવા મારા લોહીમાં છે:સવીરા
પાકિસ્તાનમાં 16મી નેશનલ એસેમ્બલીની ચૂંટણી માટે 8 ફેબ્રુઆરી 2024ના રોજ મતદાન થવાનું છે જેની તૈયારીઓ પૂરજોશમાં ચાલી રહી છે. પાકિસ્તાનમાં યોજાનારી સામાન્ય ચૂંટણીમાં પ્રથમ વખત અલ્પસંખ્યક મહિલા ડો. સવિર પ્રકાશે કોઈ બેઠક પરથી ઉમેદવારી નોંધાવી છે.
સવીરાએ પિતાના પગલે ચાલીને દાવેદારી નોંધાવી
હકીકતમાં ડો. સવીરા પ્રકાશે ખૈબર પખ્તુનખ્વાના બુનેર જિલ્લાની સામાન્ય બેઠક માટે સત્તાવાર રીતે પોતાનું નામાંકન પત્ર સબમિટ કર્યું છે. હિંદુ સમુદાયમાંથી આવતા પ્રકાશના પિતા ઓમ પ્રકાશ છેલ્લા 35 વર્ષથી પાકિસ્તાન પીપલ્સ પાર્ટી સાથે જોડાયેલા છે. જે નિવૃત તબીબ છે. પિતાના પગલે ચાલીને તેમણે ચૂંટણીમાં દાવેદારી નોંધાવી છે. અહેવાલ મુજબ, બુનેરના સ્થાનિક નેતા ઈમરાન નોશાદ ખાને કહ્યું કે તેઓ કોઈની પણ પરવા કર્યા વિના સાવિરાને પૂરા દિલથી સમર્થન આપી રહ્યા છે.
ડો. સવિરાએ પાકિસ્તાનના એક ન્યૂઝ પોર્ટલ સાથે વાત કરતા કહ્યું હતું કે તે પોતાના વિસ્તારમાં ગરીબો અને મહિલાઓના કલ્યાણ માટે કામ કરવા માટે તેના પિતાના પગલે ચાલવા માંગે છે. તેમણે 23 ડિસેમ્બર શુક્રવારના રોજ ઉમેદવારી નોંધાવી હતી.
હોસ્પિટલોમાં નબળું સંચાલન પ્રેરિત
તેણીએ કહ્યું હતું કે હું તબીબી પૃષ્ઠભૂમિમાંથી આવી છું અને માનવતાની સેવા મારા લોહીમાં છે ધારાસભ્ય બનવાનું મારું સપનું, સરકારી હોસ્પિટલોમાં ખરાબ મેનેજમેન્ટ અને હોસ્પિટલોમાં ડોકટરોની નબળી સ્થિતિએ મને ચૂંટણી લડવા માટે પ્રેરિત કર્યા હતા.
તેણીએ જણાવ્યું હતું કે તે પરંપરાગત પિતૃસત્તા દ્વારા કાયમી સ્ટીરિયોટાઇપ્સને તોડી રહી છે. ઉમેર્યું હતું કે બુનેરના પાકિસ્તાન સાથે વિલીનીકરણ બાદ એક મહિલાને આગળ વધવા અને ચૂંટણી લડવામાં 55 વર્ષ લાગ્યાં હતા.
તમને જણાવી દઈએ કે ડો. સવીરા પ્રકાશે 2022માં એબોટાબાદ ઈન્ટરનેશનલ મેડિકલ કોલેજમાંથી MBBS પૂર્ણ કર્યું છે. તે બુનેરમાં PPP મહિલા પાંખની જનરલ સેક્રેટરી પણ છે.
તે જ સમયે, પાકિસ્તાનના ચૂંટણી પંચે તાજેતરમાં 5 ટકા મહિલા ઉમેદવારો માટે સામાન્ય બેઠકો પર ચૂંટણી લડવાનું ફરજિયાત બનાવ્યું છે.
