- 10થી વધુ પોલીસ અધિકારી અને કર્મચારીઓ ઓપરેશનમાં જોડાયા
- ઓપરેશનના દિવસે બે ટીમો રવાના કરવામાં આવી હતી
- એક પણ ટીમને એડવાન્સ માહિતી આપવામાં આવી નહોતી
અમદાવાદ, ગાંધીનગર અને વડોદરામાં CIDએ તપાસ કરી છે. જેમાં 17 સ્થળે દરોડા પાડવામાં આવ્યો છે. આ વચ્ચે 37 પાસપોર્ટ, 182 પાસપોર્ટની નકલ, 79 માર્કશીટ કબ્જે કરવામાં આવી છે. તેમજ 52 ઈલેક્ટ્રોનિક ગેજેટ, 9 અન્ય સર્ટી કબ્જે કરવામાં આવ્યા છે. જેના અંગે CID ક્રાઈમની તપાસ પૂર્ણ થઈ છે અને તેમાં ઘણાં મોટા ખુલાસા સામે આવ્યા છે. ગાંધીનગર અને અમદાવાદમાં 8 – 8 સ્થળે તપાસ કરી છે. તેમાં વડોદરામાં 1 સ્થળે દરોડા પાડવામાં આવ્યા હતા.
કેવી રીતે પાર પાડવામાં આવ્યું ઓપરેશન
રાજ્યભરમાં વિઝા એજન્ટોના ત્યાં CID ના દરોડાએ ઓપરેશન કેવી રીતે પાર પાડ્યું તેની માહિતી આપી છે. જેમાં CID એ ગુપ્તરાહે આખુ ઓપરેશન પાર પાડ્યુ છે. આ માટે છેલ્લા એક માસથી ગુપ્ત રાહે ઓપરેશન ચાલી રહ્યુ હતું. આ માટે 10થી વધુ પોલીસ અધિકારી અને કર્મચારીઓ ઓપરેશનમાં જોડાયા હતા.
જેના માટે ડમી વ્યક્તિઓ મોકલી ચકાસણી કરવામાં આવી હતી. ઓપરેશનના દિવસે બે ટીમો રવાના કરાઈ હતી. એક પણ ટીમને એડવાન્સ માહિતી આપવામાં આવી નહોતી. માત્ર નજીકનું લોકેશન આપી ટીમ મોકલાઈ હતી. ટીમને આપેલુ કવર પોતાની સોપેલી જગ્યાએ જઈ ખોલવાનું હતું. કવરમાં ટીમને સોંપાઈ હતી કામગીરી અંગેની વિગત સામે આવી છે.
શું ડોક્યુમેન્ટ જપ્ત કરવામાં આવ્યા
અમદાવાદ, ગાંધીનગર અને વડોદરામાં CIDએ કરી તપાસ કરી છે. આ વચ્ચે 37 પાસપોર્ટ, 182 પાસપોર્ટની નકલ, 79 માર્કશીટ જપ્ત કરવામાં આવી છે. તેમજ 52 ઈલેક્ટ્રોનિક ગેજેટ, 9 અન્ય સર્ટી કબ્જે કરવામાં આવી છે. જેમાં 8 જેટલા નોટરી સિક્કા, રબ્બરસ્ટેમ્પ જપ્ત કરાયા છે. આ સાથે જ 5.56 લાખની રોકડ CID ક્રાઈમે જપ્ત કરી છે.
