વિશ્વમાં ચોતરફ યુદ્ધ, યુદ્ધવિરામ અને શાંતિની વાતો ચાલી રહી છે. પરંતુ ક્યાંય કોઈ શાંત પડવાનું નામ લેતું નથી. હાલમાં જ યુદ્ધવિરામ વચ્ચે ઈઝરાયેલી સેનાના હુમલાથી ગાઝામાં તબાહી મચી ગઈ છે. બોમ્બ ધડાકાને કારણે નાગરિકોની સાથે ગાઝામાં કાર્યરત હમાસના ઘણા લડવૈયાઓ માર્યા ગયા છે. 1987માં બનેલ હમાસને ઈઝરાયેલની સેનાનો દુશ્મન માનવામાં આવે છે. આ સંગઠન ગાઝામાં 2007થી સક્રિય છે. રિપોર્ટ અનુસાર આ સંગઠનમાં 25 હજાર લડવૈયા છે. જેઓ જાણે છે કે ડ્રોનથી લઈને મિસાઈલ સુધી બધું કેવી રીતે ઓપરેટ કરવું. ઓક્ટોબર 2023માં, હમાસના લડવૈયાઓએ કડક સુરક્ષામાં ઘૂસીને ઈઝરાયેલ પર હુમલો કર્યો, જેમાં 1200 લોકોના ઘટનાસ્થળે જ મોત થયા.
હમાસ આર્થિક રીતે કેટલું મજબૂત?
એક અહેવાલ અનુસાર, હમાસ દર વર્ષે લગભગ 700 મિલિયન ડોલર (લગભગ 600 કરોડ રૂપિયા)ની કમાણી કરે છે. હમાસ આ મૂડી મુખ્યત્વે દાન અને વસૂલાત દ્વારા એકત્ર કરે છે. આ પૈસાથી તે હથિયાર બનાવે છે અને તેના લડવૈયાઓને તાલીમ આપવા પાછળ ખર્ચ કરે છે. હમાસ આ નાણાંનો ઉપયોગ તેના કર્મચારીઓને પગાર ચૂકવવા માટે પણ કરે છે. હમાસને ઈજિપ્ત, જોર્ડન, ઈરાન જેવા દેશોમાંથી પૈસા મળે છે. શસ્ત્રોની વાત કરીએ તો, હમાસના લડવૈયાઓ મોટાભાગે ઇઝરાયેલી હથિયારોનો ઉપયોગ કરે છે. ઈઝરાયેલના મીડિયા રિપોર્ટ્સ અનુસાર હમાસના લડવૈયાઓને ઈઝરાયેલ પાસેથી ચોરી અને દાણચોરી દ્વારા હથિયારો મળે છે. આટલું જ નહીં, ગાઝામાં જે પણ ઈઝરાયલી હથિયાર ચૂકી જાય છે, તે ફરીથી હમાસના લડવૈયાઓ દ્વારા તૈયાર કરવામાં આવે છે.
હમાસના લડવૈયાઓને કેટલા પૈસા મળે છે?
હમાસ તેના લડવૈયાઓને માસિક ધોરણે પગાર ચૂકવતું નથી. હમાસ પૈસા આપવા માટે 3 પદ્ધતિઓ અપનાવે છે. હમાસ પ્રશિક્ષિત ફાઇટર અને તેના પરિવારનો સંપૂર્ણ ખર્ચ ઉઠાવે છે. એક ફાઇટરના મૃત્યુ પર તે તેના પરિવારને લગભગ 16 લાખ રૂપિયા આપે છે. હમાસ ફાઇટરના પરિવારને ઘર પણ આપે છે. આ સિવાય હમાસ કોન્ટ્રાક્ટના આધારે લડવૈયાઓની ભરતી પણ કરે છે. ઈઝરાયેલના સંરક્ષણ વિભાગના જણાવ્યા અનુસાર આ અંતર્ગત ઈઝરાયેલના નાગરિકને ગાઝા લાવવા માટે 8 લાખ રૂપિયા અને ફ્લેટ આપવામાં આવે છે. હમાસ બચી ગયેલા લડવૈયાઓને તેમના ખર્ચ માટે સમયાંતરે એકસાથે પૈસા પણ આપે છે. હમાસના લડવૈયાઓ મોટાભાગની રકમ તેમની સુરક્ષા પાછળ ખર્ચે છે.
