- RCBમાંથી IPL રમે છે ગ્લેન મેક્સવેલ
- વિરાટ કોહલીનો ખાસ મિત્ર છે મેક્સવેલ
- IPL એ મારી કારકિર્દીમાં ખૂબ મહત્વની ભૂમિકા ભજવી
ઓસ્ટ્રેલિયન બેટ્સમેન ગ્લેન મેક્સવેલે ઈન્ડિયન પ્રીમિયર લીગને લઈને ચોંકાવનારૂં નિવેદન આપ્યું છે. ODI વર્લ્ડ કપમાં અફઘાનિસ્તાન વિરૂદ્ધ ચમત્કારિક ઇનિંગ રમનાર મેક્સવેલ ભારત સામેની T20 સિરીઝમાં પણ ઓસ્ટ્રેલિયન ટીમનો ભાગ હતો, જોકે તે કેટલીક મેચો બાદ પોતાના દેશ પરત ફર્યો હતો. થોડા દિવસોના વિરામ બાદ મેક્સવેલ ટૂંક સમયમાં બિગ બેશ લીગમાં ફરી એકવાર એક્શનમાં જોવા મળશે.
IPL મારી કારકિર્દીમાં ખૂબ મહત્વપૂર્ણ
જો કે, તે પહેલા મેક્સવેલે કહ્યું હતું કે જ્યાં સુધી તેના પગ કામ કરતો રહેશે ત્યાં સુધી તે ઈન્ડિયન પ્રીમિયર લીગમાં રમવાનું ચાલુ રાખશે. તેમનું નિવેદન દર્શાવે છે કે મેક્સવેલ IPLને લઈને કેટલા ગંભીર છે. IPLને લઈને મેક્સવેલે કહ્યું કે આ લીગે મારી કારકિર્દીમાં ખૂબ મહત્વની ભૂમિકા ભજવી છે. મને અહીં ઘણા મોટા ખેલાડીઓ સાથે રમવાનો મોકો મળ્યો છે. હું આ લીગમાંથી ઘણું શીખ્યો છું. આ સિવાય મેક્સવેલ ઈચ્છે છે કે આ લીગમાં વધુને વધુ ઓસ્ટ્રેલિયન ખેલાડીઓ ભાગ લે.
મેક્સવેલ T20 વર્લ્ડકપ પહેલા IPLને ખૂબ જ મહત્વપૂર્ણ માની રહ્યો છે. મેક્સવેલનું માનવું છે કે આ ટૂર્નામેન્ટ T20 વર્લ્ડકપ પહેલા રમાશે. આવી સ્થિતિમાં વેસ્ટ ઈન્ડિઝમાં યોજાનારી આઈસીસી ટૂર્નામેન્ટમાં ખેલાડીઓને આનો ફાયદો થશે.
મેક્સવેલે IPLમાં 124 મેચ રમી છે
ગ્લેન મેક્સવેલ પાસે ઈન્ડિયન પ્રીમિયર લીગમાં 124 મેચ રમવાનો બહોળો અનુભવ છે. મેક્સવેલે આ 124 મેચોમાં 2719 રન બનાવ્યા છે જેમાં 18 અડધી સદી સામેલ છે. બેટિંગમાં તેનો સર્વોચ્ચ સ્કોર 95 રન છે. આ સિવાય મેક્સવેલે બોલિંગ સાથે પણ ખૂબ મહત્વની ભૂમિકા ભજવી છે. મેક્સવેલે બોલ સાથે 31 વિકેટ લીધી છે.
RCBથી રમે છે મેક્સવેલ
મેક્સવેલ હાલમાં રોયલ ચેલેન્જર્સ બેંગ્લોર ટીમનો ભાગ છે જેનું નેતૃત્વ ફાફ ડુ પ્લેસિસ દ્વારા કરવામાં આવ્યું હતું, પરંતુ તે અગાઉ પંજાબ કિંગ્સ અને દિલ્હી કેપિટલ્સ જેવી મોટી ફ્રેન્ચાઈઝીનો ભાગ રહી ચૂક્યો છે.
