રવિવારે ભારતે ન્યુઝીલેન્ડને હરાવીને ચેમ્પિયન્સ ટ્રોફી જીતી લીધી. ચેમ્પિયન્સ ટ્રોફી ભલે હવે પૂરી થઈ ગઈ હોય, પણ મેચ જોવા આવેલી એક્ટ્રેસની ચર્ચાનો અંત આવતો નથી. સતત જુદા જુદા દાવા કરવામાં આવી રહ્યા છે. આ એક્ટ્રેસ અનેક અટકળો અને અનુમાનોથી ઘેરાયેલી છે.
યુઝવેન્દ્ર ચહલની કથિત ગર્લફ્રેન્ડ આરજે માહવાશ પછી હવે હાર્દિક પંડ્યાની કથિત ગર્લફ્રેન્ડ જાસ્મીન વાલિયા વિશે ચર્ચા શરૂ થઈ ગઈ છે. ચેમ્પિયન્સ ટ્રોફીની ઘણી મેચોમાં જોવા મળેલી બ્રિટિશ સિંગર જાસ્મીન વાલિયા ફરી એકવાર ફેન્સનું ધ્યાન ખેંચી રહી છે. હાલમાં, છેલ્લી મેચમાં તેની ઝલક વાયરલ થઈ ન હતી, તેથી લોકોને લાગ્યું કે કદાચ તે છેલ્લી મેચ જોવા આવી ન હોય, પરંતુ આવું બિલકુલ ન હતું, તે સ્ટેડિયમમાં હાજર હતી અને તેને પોતે આ વાતની પુષ્ટિ કરી છે.
જાસ્મીને શેર કરી પોસ્ટ
તેની સતત હાજરીને કારણે એવી અટકળો શરૂ થઈ ગઈ છે કે તેઓ ભારતીય ક્રિકેટર હાર્દિક પંડ્યાને સપોર્ટ કરવા માટે ત્યાં આવી હતી. આ અટકળોને જાસ્મીન પોતે જ વેગ આપી રહી છે. હાર્દિક પંડ્યાના પ્રદર્શનના ઉત્સાહપૂર્વક વખાણ કરતી જાસ્મીન વાલિયાના ઘણા વીડિયો સોશિયલ મીડિયા પર વાયરલ થઈ રહ્યા છે. આનાથી ઘણા ફેન્સ એવું માનવા લાગ્યા છે કે બંને રિલેશનશિપમાં હોઈ શકે છે. હાલમાં, બંનેએ હજુ સુધી તેમના સંબંધો જાહેર કર્યા નથી, પરંતુ બંનેની ઘણી તસવીરો સોશિયલ મીડિયા પર વાયરલ થઈ હતી.
ફેન્સે આપી પ્રતિક્રિયા
તાજેતરમાં જ, જાસ્મીન વાલિયાએ તેના ઈન્સ્ટાગ્રામ એકાઉન્ટ પર ઘણી તસવીરો પોસ્ટ કરી, જેને જોઈને તેના ફોલોઅર્સ ખૂબ જ ઉત્સાહિત થઈ ગયા. ભારતના વિજય પછી શેર કરાયેલી આ પોસ્ટ પર ફેન્સની પ્રતિક્રિયાઓનો ભરપૂર વરસાદ પડ્યો. એક ફેને તેની પોસ્ટ પર કોમેન્ટ કરતા કહ્યું કે ‘ભાભીજી, આજે હાર્દિક પંડ્યાને પ્રપોઝ કરવાની સંપૂર્ણ તક છે!’ જ્યારે બીજા એક ફેને તેને સલાહ આપી કે ‘હાર્દિક ભાઈને નિરાશ ન કરો.’ જ્યારે અન્ય એક યુઝરે લખ્યું છે કે ‘માત્ર માહવાશ જ નહીં, તે પણ મજા માણી રહી છે. બાય ધ વે, લોકોને બંને વચ્ચે ખીલતા પ્રેમમાં ખૂબ જ રસ છે.’
કેવી રીતે શરુ થઈ ચર્ચા
વધતી અટકળો છતાં હાર્દિક પંડ્યા કે જાસ્મીન વાલિયા બંનેમાંથી કોઈએ ડેટિંગની ચર્ચાઓ પર પ્રતિક્રિયા આપી નથી. તમને જણાવી દઈએ કે, ગયા વર્ષે હાર્દિકના છૂટાછેડા પછી, બંનેની બે અલગ અલગ તસવીરો વાયરલ થઈ હતી. બંને તસવીરો એક જ જગ્યાએ ક્લિક કરવામાં આવી હતી. આ પછી, ફેન્સે અનુમાન લગાવ્યું કે બંને સાથે વેકેશન પર છે. આ પછી પણ આવી ઘણી તસવીરો સામે આવી અને હવે જાસ્મીન પણ તેને સપોર્ટ કરવા માટે મેચ જોવા પહોંચી ગઈ.
