ICC ચેમ્પિયન્સ ટ્રોફી 2025 ના પહેલા સેમીફાઈનલ મેચમાં ટીમ ઈન્ડિયા અને ઓસ્ટ્રેલિયા આમને-સામને છે. જ્યાં સ્ટીવ સ્મિથે ટોસ જીતીને પહેલા બેટિંગ કરવાનો નિર્ણય લીધો. આ મેચ માટે, ઓસ્ટ્રેલિયન ટીમે તેની પ્લેઈંગ ઈલેવનમાં 2 ફેરફાર કર્યા છે.
જ્યારે ટીમ ઈન્ડિયા કોઈ પણ ફેરફાર વિના મેદાનમાં ઉતરી ગઈ છે. આ મેચમાં ટીમ ઈન્ડિયા કાળી પટ્ટી પહેરીને મેદાનમાં ઉતરી હતી.
ટીમ ઈન્ડિયા આ કારણોસર કાળી પટ્ટી પહેરીને મેદાનમાં ઉતરી હતી
સેમીફાઈનલ મેચમાં ટીમ ઈન્ડિયાના ખેલાડીઓ કાળી પટ્ટી પહેરીને રમી રહ્યા છે. જેનું કારણ બધા ભારતીય ફેન્સ જાણવા માંગે છે. બીસીસીઆઈએ સોશિયલ મીડિયા પર આનું કારણ આપ્યું છે. ખરેખર, 3 માર્ચે, ભારતે 84 વર્ષની વયે ઘરેલુ ક્રિકેટ સુપરસ્ટાર પદ્મકર શિવાલકરને ગુમાવ્યા.
ભારતીય દિગ્ગજ ખેલાડીનું થયું અવસાન
પદ્મકર શિવાલકર 84 વર્ષના હતા અને તેમને મુંબઈમાં અંતિમ શ્વાસ લીધા. પદ્મકર શિવાલકર ભારતીય ઘરેલુ ક્રિકેટના એક અનુભવી ખેલાડી છે, જે 20 વર્ષ મુંબઈ માટે રમ્યા છે. પરંતુ તેમના ઉત્તમ પ્રદર્શન છતાં, તેમને ક્યારેય ટીમ ઈન્ડિયામાં રમવાની તક મળી નહીં. પદ્મકર શિવાલકર ટીમ ઈન્ડિયામાં રમી શક્યા નહીં કારણ કે તે સમયે તેમની જેમ ડાબોડી સ્પિનર બિશન સિંહ બેદી ટીમ ઈન્ડિયાના મુખ્ય બોલરોમાંના એક હતા.
પદ્મકર શિવાલકરના સન્માનમાં ભારતીય ખેલાડીઓ તેમના ખભા પર કાળી પટ્ટી બાંધી રહ્યા છે. મુંબઈ માટે ઘરેલુ ક્રિકેટ રમનારા શિવાલકરે 124 મેચ રમી જેમાં તેમણે 19.69 ની સરેરાશથી 589 બેટ્સમેનોને આઉટ કર્યા. આ સમયગાળા દરમિયાન, તેમને 42 વખત 5 વિકેટ અને 13 વખત 10 વિકેટ લીધી. તેને બેટથી 515 રન બનાવ્યા.
બંને ટીમોના પ્લેઈંગ ઈલેવન
ઓસ્ટ્રેલિયાની ટીમ: કૂપર કોનોલી, ટ્રેવિસ હેડ, સ્ટીવ સ્મિથ (કેપ્ટન), માર્નસ લાબુશેન, જોશ ઈંગ્લિસ (વિકેટકીપર), એલેક્સ કેરી, ગ્લેન મેક્સવેલ, બેન દ્વારશુઈસ, નાથન એલિસ, એડમ ઝેમ્પા, તનવીર સંઘા.
ભારતીય ટીમ: રોહિત શર્મા (કેપ્ટન), શુભમન ગિલ, વિરાટ કોહલી, શ્રેયસ ઐયર, અક્ષર પટેલ, કેએલ રાહુલ (વિકેટકીપર), હાર્દિક પંડ્યા, રવિન્દ્ર જાડેજા, મોહમ્મદ શમી, કુલદીપ યાદવ, વરુણ ચક્રવર્તી.
