રોહિત શર્મા અને ટીમે ચેમ્પિયન્સ ટ્રોફીની ફાઈનલમાં ન્યુઝીલેન્ડને 4 વિકેટથી હરાવીને ટાઈટલ જીત્યું. આ ભારતીય ટીમનો ત્રીજો ચેમ્પિયન્સ ટ્રોફી ખિતાબ છે. કેપ્ટન રોહિત શર્માએ ફાઈનલમાં 76 રનની ઈનિંગ રમી, જેના માટે તેને પ્લેયર ઓફ ધ મેચ તરીકે પસંદ કરવામાં આવ્યો. તમને જણાવી દઈએ કે ગોલ્ડન બેટ, ગોલ્ડન બોલ અને પ્લેયર ઓફ ધ ટુર્નામેન્ટ એવોર્ડ કોણે જીત્યા.
ચેમ્પિયન્સ ટ્રોફીમાં, ટુર્નામેન્ટમાં સૌથી વધુ રન બનાવનાર બેટ્સમેનને ગોલ્ડન બેટ આપવામાં આવે છે. જ્યારે ગોલ્ડન બોલ એવોર્ડ ટુર્નામેન્ટ પૂર્ણ થયા પછી સૌથી વધુ વિકેટ લેનાર બોલરને આપવામાં આવે છે. ગોલ્ડન બેટની વાત કરીએ તો, ભારતીય મૂળના કિવી ખેલાડી રચિન રવિન્દ્રને આ એવોર્ડ મળ્યો.
ગોલ્ડન બેટ એવોર્ડ કોને મળ્યો?
ન્યુઝીલેન્ડના ઓપનર રચિન રવિન્દ્રએ ચેમ્પિયન્સ ટ્રોફી 2025નો ગોલ્ડન બેટ એવોર્ડ જીત્યો. તેને ટુર્નામેન્ટમાં સૌથી વધુ રન બનાવ્યા. રચિને 4 મેચમાં 263 રન બનાવ્યા, જેમાં તેની સર્વોચ્ચ ઈનિંગ્સ 112 રન હતી. તેને ટુર્નામેન્ટમાં 2 સદી ફટકારી હતી, પરંતુ ફાઈનલમાં 37 રન બનાવીને આઉટ થયો. આ દરમિયાન તેને 29 ચોગ્ગા અને 3 છગ્ગા ફટકાર્યા.
ગોલ્ડન બોલ એવોર્ડ કોને મળ્યો?
ચેમ્પિયન્સ ટ્રોફી 2025 માં ગોલ્ડન બોલ એવોર્ડ પણ ન્યુઝીલેન્ડના ખેલાડીને મળ્યો. મેટ હેનરીને ગોલ્ડન બોલ 2025નો એવોર્ડ મળ્યો, ફાઈનલમાં કિવીઓએ તેની ખૂબ જ ખોટ સાધી. સેમીફાઈનલમાં તેને ઈજા થઈ હતી, જેના કારણે તે ફાઈનલમાં રમી શક્યો ન હતો. મેટ હેનરીએ 4 મેચમાં 10 વિકેટ લીધી. ભારતીય સ્પિનર વરુણ ચક્રવર્તી ટુર્નામેન્ટમાં સૌથી વધુ વિકેટ લેવાની બાબતમાં બીજા ક્રમે હતા, તેને 3 મેચમાં 9 વિકેટ લીધી હતી.
ચેમ્પિયન્સ ટ્રોફી 2025 ના પ્લેયર ઓફ ધ ટુર્નામેન્ટ કોણ બન્યું?
ચેમ્પિયન્સ ટ્રોફી 2025નો બેસ્ટ ખેલાડીનો એવોર્ડ પણ ન્યુઝીલેન્ડના ઓપનર રચિન રવિન્દ્રને મળ્યો. તેને 4 મેચમાં 263 રન બનાવ્યા અને 3 વિકેટ લીધી. રચિને ટુર્નામેન્ટમાં 2 સદી ફટકારી છે.
ચેમ્પિયન્સ ટ્રોફી 2025 ના ટોપ 5 બેટ્સમેન
રચિન રવિન્દ્ર પછી, ટીમ ઈન્ડિયાના શ્રેયસ ઐયરે આ ટુર્નામેન્ટમાં સૌથી વધુ રન બનાવ્યા. ઐયરે 5 ઈનિંગ્સમાં 48.60 ની એવરેજથી 243 રન બનાવ્યા. આ ટુર્નામેન્ટમાં તેને 2 અડધી સદી પણ ફટકારી. જ્યારે ઈંગ્લેન્ડના ઓપનર બેન ડકેટ આ લિસ્ટમાં ત્રીજા નંબરે છે. તેને 3 ઇનિંગ્સમાં 75.66 ની એવરેજથી 227 રન બનાવ્યા. ઈંગ્લેન્ડનો જો રૂટ 225 રન સાથે ચોથા સ્થાને છે જ્યારે વિરાટ કોહલી 218 રન સાથે પાંચમા સ્થાને છે.
