ICCએ બુધવારે 11 જૂને નવી રેન્કિંગ જાહેર કરી છે, જેમાં ભારતીય ખેલાડીઓને ફાયદો થયો, તો કેટલાક ખેલાડીઓને નુકસાન થયું છે. નવી T20 રેન્કિંગમાં તિલક વર્માને ફાયદો થયો છે, જ્યારે સૂર્યકુમાર યાદવને એક સ્થાનનું નુકસાન થયું છે.
આ સિવાય ઓસ્ટ્રેલિયાના બેટ્સમેન ટ્રેવિસ હેડની બાદશાહત અકબંધ છે. તમને જણાવી દઈએ કે લેટેસ્ટ ICC રેન્કિંગમાં કોને ફાયદો થયો અને કોને નુકસાન થયું છે.
ટ્રેવિસ હેડની બાદશાહત અકબંધ
ભારતીય ટીમે IPL 2025ને કારણે T20 ઈન્ટરનેશનલ સિરીઝમાં ઘણા મહિનાઓથી સુધી ભાગ નથી લીધો. આ કારણે નવા ICC રેન્કિંગમાં ભારતીય ખેલાડીઓના લિસ્ટમાં સૌથી મોટો ઉલટફેર નથી થયો.
ICC T20 બેટિંગ રેન્કિંગમાં ઓસ્ટ્રેલિયાનો ખેલાડી ટ્રેવિસ હેડ નંબર 1 પર છે. તેની પાસે 856 રેટિંગ પોઈન્ટ છે. જ્યારે ભારતીય ઓપનિંગ બેટ્સમેન અભિષેક શર્મા 829 રેટિંગ પોઈન્ટ સાથે બીજા નંબર પર છે. ત્યારે તિલક વર્માને ફાયદો થયો છે. તે નંબર 4 પરથી નંબર 3 પર આવી ગયો છે. તેની પાસે 804 રેટિંગ પોઈન્ટ છે. ફિલ સોલ્ટે વેસ્ટ ઈન્ડિઝ સામેની T20 સિરીઝમાંથી પોતાનું નામ પાછું ખેંચી લીધું હતું. આના કારણે તિલક વર્માને ફાયદો થયો, જ્યારે ફિલ સોલ્ટને 1 સ્થાનનું નુકસાન થયું.
સૂર્યકુમાર યાદવને લાગ્યો ઝટકો
સૂર્યકુમાર યાદવને મોટો ઝટકો લાગ્યો છે. તે નંબર 5 થી નંબર 6 પર આવી ગયો છે. સૂર્યકુમાર યાદવ 739 પોઈન્ટ સાથે છઠ્ઠા નંબર પર છે. તેની જગ્યા જોસ બટલરે લીધી છે. તે નંબર 6 પરથી નંબર 5 પર આવી ગયો છે. બટલર પાસે 772 પોઈન્ટ છે.
ટેસ્ટ રેન્કિંગમાં થયો મોટો ફેરફાર
આવતા અઠવાડિયે નવા ICC રેન્કિંગમાં મોટો ઉથલપાથલ થશે. કારણ કે ઓસ્ટ્રેલિયા અને દક્ષિણ આફ્રિકા 11 જૂનથી લંડનના લોર્ડ્સના મેદાન પર વર્લ્ડ ટેસ્ટ ચેમ્પિયનશિપ ફાઈનલ 2025 માં એકબીજાનો સામનો કરી રહ્યા છે. આ પરિસ્થિતિમાં, નવા ટેસ્ટ રેન્કિંગમાં મોટો ફેરફાર થશે.
