હિટમેન રોહિત શર્મા બન્યો સિક્સરનો બાદશાહ, ડી વિલિયર્સના વર્લ્ડ રેકોર્ડની કરી બરાબરી

• રોહિત શર્માએ આ વર્ષે ODI મેચોમાં 58 સિક્સર ફટકારી
  
• રોહિત શર્માએ એબી ડી વિલિયર્સના રેકોર્ડની બરાબરી કરી
  
• 56 સિક્સર સાથે આ યાદીમાં ક્રિલ ગેલ ત્રીજા સ્થાને
  

રોહિત શર્માએ આ વર્લ્ડકપમાં શાનદાર પ્રદર્શન કર્યું છે. તેણે એક પછી એક ઘણી મેચોમાં શાનદાર ઇનિંગ્સ રમી છે અને દરેક ઇનિંગમાં સિક્સ ફટકારી છે. આ વર્તમાન વર્લ્ડકપમાં પણ રોહિતે આવું જ પ્રદર્શન કર્યું છે. લાંબી સિક્સર મારવાને કારણે હિટમેન કહેવાતા રોહિત શર્માએ આ વર્ષમાં ઘણી સિક્સર ફટકારી છે અને તેથી તે સિક્સરનો બાદશાહ બની ગયો છે. રોહિત શર્માએ સાઉથ આફ્રિકા સામે રમાઈ રહેલી આજની મેચમાં 2 સિક્સર ફટકારીને ODI ફોર્મેટમાં એક વર્ષમાં સૌથી વધુ સિક્સર ફટકારવાના રેકોર્ડની બરાબરી કરી લીધી છે.

રોહિતે ડી વિલિયર્સની બરાબરી કરી

રોહિત શર્માએ આ વર્ષે એટલે કે 2023માં રમાયેલી ODI મેચોમાં અત્યાર સુધીમાં કુલ 58 સિક્સર ફટકારી છે. તેણે ODI ફોર્મેટમાં એક વર્ષમાં સૌથી વધુ સિક્સર મારવાના એબી ડી વિલિયર્સના રેકોર્ડની બરાબરી કરી લીધી છે. સાઉથ આફ્રિકાના આ પૂર્વ બેટ્સમેને વર્ષ 2015માં રમાયેલી ODI મેચોમાં પણ કુલ 58 સિક્સર ફટકારી હતી. અત્યાર સુધી એબી ડી વિલિયર્સ આ રેકોર્ડમાં સૌથી આગળ હતા, પરંતુ હવે રોહિત શર્માએ તેના રેકોર્ડની બરાબરી કરી લીધી છે. જોકે, રોહિત શર્મા માટે આ વર્ષ પૂરું થયું નથી. તેણે આ વર્લ્ડકપમાં હજુ ઘણી મેચ રમવાની છે, તેથી એવી પૂરી આશા છે કે રોહિત ડી વિલિયર્સના રેકોર્ડને પાછળ છોડી દેશે અને એક વર્ષમાં ODI મેચોમાં સૌથી વધુ સિક્સર ફટકારવાનો રેકોર્ડ બનાવશે.

ક્રિસ ગેલ આ યાદીમાં ત્રીજા સ્થાને

જો કે હાલમાં આ લિસ્ટમાં ત્રીજું નામ વેસ્ટ ઈન્ડિઝના પૂર્વ ક્રિકેટર અને યુનિવર્સ બોસ તરીકે પ્રખ્યાત ક્રિસ ગેલનું છે. ગેઈલે 2019માં વેસ્ટ ઈન્ડિઝ માટે ODI ફોર્મેટના એક વર્ષમાં કુલ 56 સિક્સર ફટકારી હતી. આ યાદીમાં પાકિસ્તાનના પૂર્વ કેપ્ટન શાહિદ આફ્રિદીનું નામ પણ સામેલ છે, જે પોતાના સમયમાં લાંબી સિક્સર માટે જાણીતા હતા. તેણે 2002માં પાકિસ્તાન માટે ODI મેચોમાં કુલ 48 સિક્સર ફટકારી હતી.