- 24 કલાકમાં ઇઝરાયલી સેનાએ હમાસના 450 ટાર્ગેટને કર્યા નષ્ટ
- 7 ઓક્ટોબરથી અત્યાર સુધીમાં 9700થી વધુ પેલેસ્ટાઈનના મોત
- હવાઇ હુમલામાં સૌથી વધુ 4800 બાળકો મોતને ભેટ્યા
ઇઝરાયલ-હમાસ યુદ્ધમાં આજે એક મહિનો વીતી ગયો છે અને હમાસ બરબાદ થઈ ગઈ હોય તેવું લાગી રહ્યું છે. 7 ઓક્ટોબરે હમાસના હુમલાનો બદલો લેતા ઈઝરાયેલની સેનાએ અત્યાર સુધીમાં હમાસના અનેક ટાર્ગેટોને નષ્ટ કર્યા છે. ગાઝા પટ્ટીમાં છેલ્લા 24 કલાકમાં IDFએ સર્ચ ઓપરેશન શરૂ કર્યું હતું, જેમાં લગભગ 450 હમાસ અડ્ડાઓ ધ્વસ્ત કર્યા છે.
7 ઓક્ટોબરે હમાસના હુમલાનો બદલો લેતા ઈઝરાયેલની સેનાએ અત્યાર સુધીમાં હમાસના અનેક ટાર્ગેટોને નષ્ટ કર્યા છે. ઇઝરાયલી સંરક્ષણ દળોએ જણાવ્યું હતું કે તેઓએ છેલ્લા 24 કલાકમાં ગાઝા પટ્ટીમાં હવાઇ હુમલાઓ અને બોમ્બ મારો કર્યો છે. આ સર્જિકલ સ્ટ્રાઇકમાં અંદાજીત 450 હમાસના અડ્ડાઓને ધ્વસ્ત કર્યા છે. આમાં ટનલ, આતંકવાદી ઠેકાણા, સૈન્ય સુવિધાઓ, અવલોકન પોસ્ટ્સ અને એન્ટી ટેન્ક મિસાઇલોનો સમાવેશ થાય છે.
24 કલાકમાં 450 ટાર્ગેટ પર હુમલો કર્યો
IDF એ ગાઝાની અંદર હમાસના લશ્કરી કમ્પાઉન્ડને કબજે કરવાની પણ જાહેરાત કરી હતી, જેમાં અવલોકન પોસ્ટ્સ, હમાસ ઓપરેટિવ્સ માટે તાલીમ સુવિધાઓ અને ભૂગર્ભ ટનલ હતી. IDF એ સોમવારે એક નિવેદનમાં જણાવ્યું હતું કે, “ગત દિવસોમાં, IDF યુદ્ધ વિમાનોએ સુરંગો, આતંકવાદીઓ, લશ્કરી કમ્પાઉન્ડ્સ, અવલોકન પોસ્ટ્સ, એન્ટી-ટેન્ક મિસાઇલ લોન્ચ પોસ્ટ્સ અને વધુ સહિત 450 થી વધુ હમાસ લક્ષ્યાંકો પર હુમલો કર્યો હતો.”
અત્યાર સુધીમાં 9700 થી વધુ લોકોના મોત
પેલેસ્ટિનિયન આરોગ્ય મંત્રાલયે ટાંકીને જણાવ્યું હતું કે, આ હુમલાઓ રહેણાંક વિસ્તારો, હોસ્પિટલો, શરણાર્થી શિબિરો અને શાળાઓ સહિતના નાગરિક વિસ્તારોને ફટકાર્યા હતા, જેના પરિણામે 9,700 થી વધુ લોકોના મોત થયા હતા.
હવાઇ હુમલામાં સૌથી વધુ 4800 બાળકો મોતને ભેટ્યા
પેલેસ્ટિનિયન આરોગ્ય મંત્રી માઇ અલ-કૈલાએ રામલ્લાહમાં જણાવ્યું હતું કે, 7 ઓક્ટોબરથી ગાઝા પર ઇઝરાયેલના હવાઈ હુમલામાં 9,700 થી વધુ લોકો માર્યા ગયા છે. અલ-કૈલાએ જણાવ્યું કે આ આંકડામાં 4,800 બાળકોનો સમાવેશ થાય છે. અમેરિકાના વિશેષ દૂત ડેવિડ સેટરફિલ્ડે શનિવારે જણાવ્યું હતું કે 800,000થી 10 લાખ લોકો ગાઝા પટ્ટીના ઉત્તરથી દક્ષિણ તરફ ભાગી ગયા છે અને માનવતાવાદી કટોકટી વધુ ઘેરી બની હોવાના કારણે તાજેતરના આંકડા સામે આવ્યા છે.
