- હિમાચલના શિમલા કરતા દિલ્હીનું તાપમાન નીચું
- હરિયાણાના હિસ્સારમાં 4.2 ડિગ્રી તાપમાન નોંધાયુ
- હરિયાણામાં 19 ડિસેમ્બર સુધી ઠંડી, ધુમ્મસનું યલો એલર્ટ
ઉત્તર ભારતના પહાડી વિસ્તારોમાં આજથી એટલે કે 16મી ડિસેમ્બરથી હિમવર્ષા થઇ રહી છે, જ્યારે મેદાની વિસ્તારોમાં તાપમાનમાં ઘટાડા સાથે ધુમ્મસની શરૂઆત થઈ ગઈ છે. તેમજ દક્ષિણ ભારતના રાજ્યોમાં વરસાદની ગતિવિધિઓ નોંધાઈ રહી છે. હવામાન વિભાગના જણાવ્યા અનુસાર આજથી જમ્મુ-કાશ્મીર અને આસપાસના વિસ્તારોમાં હિમવર્ષા જોવા મળશે. શુક્રવારનો દિવસ દિલ્હીમાં સીઝનનો સૌથી ઠંડો દિવસ રહ્યો. હિમાચલના શિમલા કરતા દિલ્હીનું તાપમાન નીચું. હરિયાણાના હિસ્સારમાં 4.2 ડિગ્રી તાપમાન નોંધાયુ. હરિયાણામાં 19 ડિસેમ્બર સુધી ઠંડી, ધુમ્મસનું યલો એલર્ટ
હિમવર્ષા અપડેટ
હવામાન વિભાગના જણાવ્યા અનુસાર હિમાચલ પ્રદેશના ઊંચાઈવાળા વિસ્તારોમાં આજે એટલે કે શનિવારે હિમવર્ષા થઈ શકે છે. આ સાથે જમ્મુ-કાશ્મીર, લદ્દાખ, ગિલગિટ-બાલ્ટિસ્તાન અને મુઝફ્ફરાબાદમાં 16 અને 17 ડિસેમ્બરે હિમવર્ષા જોવા મળશે.
ધુમ્મસ પર અપડેટ શું છે?
હવામાન વિભાગના જણાવ્યા અનુસાર પંજાબ-હરિયાણામાં આગામી ચાર દિવસ સુધી સવારે ગાઢ ધુમ્મસનું એલર્ટ છે. દિલ્હીની વાત કરીએ તો આજે લઘુત્તમ તાપમાન 05 ડિગ્રી અને મહત્તમ તાપમાન 25 ડિગ્રી નોંધાશે. સાથે જ હળવું ધુમ્મસ પણ જોવા મળશે. હવામાન વિભાગના જણાવ્યા અનુસાર દિલ્હીમાં આગામી કેટલાક દિવસો સુધી ગાઢ ધુમ્મસની કોઈ ચેતવણી નથી.
જો આપણે તાપમાનની વાત કરીએ તો, આગામી ત્રણથી ચાર દિવસ સુધી ભારતના ઉત્તર ભાગમાં મહત્તમ તાપમાનમાં કોઈ ખાસ ફેરફાર થશે નહીં. હવામાન વિભાગના જણાવ્યા અનુસાર આગામી ત્રણથી ચાર દિવસ સુધી લઘુત્તમ તાપમાન 5 થી 10 ડિગ્રી નોંધાશે.
આ રાજ્યોમાં વરસાદ
હવામાન વિભાગના જણાવ્યા અનુસાર, આજે અને આવતીકાલે તામિલનાડુ, કેરળ અને માહેમાં હળવાથી મધ્યમ વરસાદની ગતિવિધિઓ જોવા મળશે. તે જ સમયે, કેરળના કેટલાક વિસ્તારોમાં 16 અને 17 ડિસેમ્બરે ભારે વરસાદની ગતિવિધિઓ જોવા મળશે. હવામાન વિભાગના જણાવ્યા અનુસાર તામિલનાડુના કેટલાક વિસ્તારોમાં 16 થી 19 ડિસેમ્બર દરમિયાન ભારે વરસાદની શક્યતાઓ છે.
