- સિફર અને ગ્રાફ્ટના કેસોમાં અદિયાલા જેલમાં
- મેટ્રો સ્ટેશન પર આગ લગાડવાને લઈને સમન્સ મળ્યું
- હિંસા ભડકાવવાના કેસમાં પણ લગાવાયા હતા આરોપ
પાકિસ્તાન તહરીક-એ-ઈન્સાફ (પીટીઆઈ)ના સ્થાપક અને પૂર્વ વડાપ્રધાન ઈમરાન ખાનની 9 મેના હિંસક વિરોધ સાથે સંબંધિત જીએચક્યુ હુમલાના કેસમાં ધરપકડ કરવામાં આવી છે. તેની ધરપકડ ત્યારે કરવામાં આવી છે જ્યારે તે પહેલાથી જ ઘણા કેસોમાં અદિયાલા જેલમાં સજા ભોગવી રહ્યા છે. મળતી માહિતિ અનુસાર રાવલપિંડીની એક આતંકવાદ વિરોધી અદાલત (એટીસી) એ 9 મે, 2023 ના રોજ GHQ હુમલાના કેસ તેમજ મેટ્રો સ્ટેશન પર આગ લગાડવા અને હિંસા ભડકાવવાના અન્ય બે કેસના સંબંધમાં ખાનને સમન્સ પાઠવ્યું હતું.
સુરક્ષાના કારણોસર વીડિયો દ્વારા કોર્ટમાં હાજરી આપતા
ઉલ્લેખનીય છે કે ઈમરાન ખાન પહેલેથી જ સિફર અને ગ્રાફ્ટના કેસોમાં અદિયાલા જેલમાં સળિયા પાછળ છે, તે વીડિયો લિંક દ્વારા કોર્ટની કાર્યવાહીમાં ભાગ લેવા સક્ષમ હતા કારણ કે સુરક્ષાની ચિંતાઓને કારણે તેને કોર્ટમાં રજૂ કરી શકાયા ન હતા.
ઈમરાનની જેલમાં પૂછપરછ કરવામાં આવશે
સુનાવણી દરમિયાન પોલીસ સ્ટેશનના અધિકારીઓએ 9 મેના કેસમાં ઈમરાન ખાનના રિમાન્ડની માંગ કરી હતી, પરંતુ એટીસી જજ મલિક ઈજાઝ આસિફે અરજી ફગાવી દીધી હતી અને પોલીસને ઈમરાન ખાનની જેલમાં પૂછપરછ કરવાનો આદેશ આપ્યો હતો. ન્યાયાધીશે પ્રોસિક્યુશન અને બચાવ પક્ષના વકીલોને 23 જાન્યુઆરી, 2024 ના રોજ આગામી સુનાવણીમાં તેમની દલીલો અને પુરાવા રજૂ કરવા માટે નોટિસ પણ જારી કરી છે.
શું છે 9 મેની હિંસા કેસ?
ઈમરાન ખાનની 9 મે 2023ના રોજ ઈસ્લામાબાદ હાઈકોર્ટના પરિસરમાંથી ધરપકડ કરવામાં આવી હતી. તેઓ ભ્રષ્ટાચારના કેસમાં સુનાવણીમાં હાજર રહ્યા હતા. 2018 થી 2022 સુધી પાકિસ્તાનના વડા પ્રધાન રહેલા ખાન પર વિદેશી દેશોમાંથી ગેરકાયદેસર ભેટો અને સંપત્તિ મેળવવાનો આરોપ હતો. 9 મેના રોજ તેમની ધરપકડથી સમગ્ર પાકિસ્તાનમાં વિરોધ અને રમખાણો થયા, કારણ કે તેમના સમર્થકો અને પક્ષના કાર્યકરો તેમની મુક્તિની માંગણી માટે શેરીઓમાં ઉતરી આવ્યા હતા.
આ દરમિયાન ઇમરાનના સમર્થકોએ લાહોરના જનરલ હેડક્વાર્ટર (GHQ)માં જિન્ના હાઉસ, મિયાંવાલી એરબેઝ પર હુમલો કર્યો હતો. દેખાવકારોની પોલીસ સાથે ઘર્ષણ પણ થયું હતું. ઈમરાન સમર્થકો દ્વારા રમખાણો માટે ઈમરાન ખાનને જવાબદાર ઠેરવવામાં આવ્યો હતો અને કાર્યવાહી શરૂ કરવામાં આવી હતી. આ સિવાય 5 હજાર લોકો પર આતંકવાદ વિરોધી અધિનિયમ (ATA) અને અન્ય કાયદાઓ હેઠળ આરોપ અને ધરપકડ કરવામાં આવી હતી.
