ફેસબુક, ઈન્સ્ટાગ્રામ, વોટ્સએપ જેવી સોશિયલ મીડિયા સાઈટ્સની પેરેન્ટ કંપની મેટાની મુશ્કેલીમાં ફરી એકવાર વધારો થયો છે. શુક્રવારે યુરોપિયન યુનિયનની સુરક્ષા નિયમનકારી પ્રાધિકરણે ફેસબુક યુઝર્સના પાસવર્ડ સાથે ચેડા કરવા બદલ વિશ્વની સૌથી મોટી કંપની મેટા પર 100 મિલિયન ડોલરથી વધુનો દંડ ફટકાર્યો છે. આ નિર્ણય પર ટિપ્પણી કરતી વખતે મેટાએ જણાવ્યું હતું કે, સુરક્ષા સમીક્ષામાં આ ‘ભૂલ’ પકડાઈ હતી અને તેને સુધારવા માટે તાત્કાલિક પગલાં લેવામાં આવ્યા હતા.
મેટાને કરોડનો દંડ ફટકારાયો
ફેસબુક અને વોટ્સએપ જેવા સોશિયલ મીડિયા પ્લેટફોર્મ ચલાવતી કંપની મેટા પર આ વર્ષે આ પ્રથમ દંડ છે. અગાઉ કિશોરોના ડેટાને ખોટી રીતે હેન્ડલ કરવા બદલ ઇન્સ્ટાગ્રામ પર 405 મિલિયન યુરો, વ્હોટ્સએપ પર 55 લાખ યુરો અને ટ્રાન્સએટલાન્ટિક ડેટા મોકલવા બદલ મેટા પર 1.2 બિલિયન યુરોનો દંડ ફટકારવામાં આવ્યો.
ફેસબુક યુઝર્સના પાસવર્ડ સાથે ચેડાં
આયરિશ ડેટા પ્રોટેક્શન કમિશને કહ્યું છે કે, આ મામલાની તપાસ કર્યા બાદ અમેરિકન કંપની મેટા પર 91 મિલિયન યુરો અથવા 101.6 મિલિયન ડોલરનો દંડ ફટકારવામાં આવ્યો છે. EU રેગ્યુલેટરે 2019માં આ બાબતની તપાસ કરવાનું શરૂ કર્યું હતું. મેટાએ તેમને જાણ કર્યા પછી કે કેટલાક ફેસબુક યુઝર્સના પાસવર્ડ અજાણતા આંતરિક રીતે સંગ્રહિત કરવામાં આવ્યા હતા. આનો અર્થ એ થયો કે તે પાસવર્ડ ફેસબુકના કર્મચારીઓ સરળતાથી શોધી શકશે.
આ અંગે કમિશન શું કહ્યું?
કમિશનના ડેપ્યુટી કમિશનર ગ્રેહામ ડોયલનું કહેવું છે કે દુરુપયોગના જોખમને ધ્યાનમાં રાખીને યુઝર્સના પાસવર્ડ કોઈપણ કોડ વિના સંગ્રહિત ન હોવા જોઈએ. તેની ટિપ્પણીમાં મેટાએ જણાવ્યું હતું કે, સુરક્ષા સમીક્ષામાં આ ‘ભૂલ’ પકડાઈ હતી અને તેને સુધારવા માટે તાત્કાલિક પગલાં લેવામાં આવ્યા હતા. કંપનીએ તેના નિવેદનમાં એમ પણ કહ્યું હતું કે, આ પાસવર્ડનો દુરુપયોગ અથવા અયોગ્ય રીતે એક્સેસ કરવામાં આવ્યો હોવાના કોઈ પુરાવા નથી. આ બાબતની તપાસ દરમિયાન અમે આઇરિશ ડેટા પ્રોટેક્શન કમિશન સાથે અર્થપૂર્ણ રીતે જોડાયેલા છીએ.
