દેશભરમાં થર્ટી ફર્સ્ટ ની ઉજવણી કરતા યુવાધન હિલોળા લઈ રહ્યું છે. થર્ટી ફર્સ્ટ ની ઉજવણી કરવા માટે ગાંધીનગરના યુવાનોમાં ગજબનો ઉત્સાહ જોવા મળી રહ્યો છે.
રાજ્યના મોટા શહેરોમાં સવાર સુધી ડીજેના તાલે યુવાનો ઉજવણી કરતા હોય છે. ત્યારે થર્ટી ફર્સ્ટ ની ઉજવણીમાં દારૂની પાર્ટી કરીને ઝાટકા બની જતા યુવાનોને ઝડપી લેવા પોલીસ રાત ઉજાગરા કરતી હોય છે. ગાંધીનગર શહેર અને જિલ્લામાં કેટલાક સમયથી ખાનગી પાર્ટી પ્લોટ માં ઉજવણી કરવામાં આવી રહી છે. ગાંધીનગર શહેર નો વિસ્તાર વધી રહ્યો છે ત્યારે પાર્ટી પ્લોટની સંખ્યામાં પણ વધારો જોવા મળી રહ્યો છે જિલ્લા પોલીસ બે દિવસ સુધી જિલ્લાના પ્રવેશદ્વાર ઉપર નાકાબંધી કરશે. જેમાં પોલીસ કર્મચારીને બ્રેથએનેલાઇજર આપવામાં આવશે. જેથી ડ્રિંન્કસ કરીને કાર હંકારતા લોકોનું ચેકિંગ કરવામાં આવશે. જો પીધેલો પકડાશે તો તેની સામે કાયદાકીય કાર્યવાહી કરવામાં આવશે. જો ટીનેજર હશે તો તેના માતા-પિતાને પણ બોલવામાં આવશે. ગાંધીનગર શહેર અને જિલ્લામાં પ્રવેશતા માર્ગો ઉપર ટીમ બનાવી તપાસ કરશે. ચ – 0, સે – 30, ખ – 0 સર્કલ પર નાકાબંધી થશે. ઉજવણી દરમિયાન કોઇ અનિચ્છનીય બનાવ સામે ના આવે તેનું પણ ખાસ ધ્યાન રાખવામાં આવશે.
