- બેફામ ડમ્પર ચાલકે મહિલાને લીધી અડફેટે
- મહિલાને પગના ભાગે પહોંચી ગંભીર ઇજા
- ઇજાગ્રસ્ત મહિલાને સારવાર માટે હોસ્પિટલ ખસેડાઇ
સુરતના ડિંડોલી વિસ્તારમાં ડમ્પરચાલકે મહિલાને અડફેટે લેતે મહિલાને પગના ભાગે ગંભીર ઈજાઓ પહોંચી હતી.વડ સાવિત્રી વ્રતની પૂજા કરવા મહિલા જઈ રહી હતી તે દરમિયાન આ ઘટના બની હતી.તો પોલીસે ઘટના સ્થળે પહોંચી સમગ્ર ઘટનાની તપાસ હાથધરી હતી અને ડમ્પર ચાલક વિરુદ્ધ ફરિયાદ લઈ વધુ તપાસ હાથધરી છે.
ડમ્પર ચાલકને લોકોએ ઝડપ્યો
ફરી એકવાર સુરત શહેરમાં ડમ્પર ચાલકો બેફામ બની લોકોના જીવને જોખમમાં મૂકી રહ્યા છે. વડ સાવિત્રી વ્રતની પૂજા કરવા જતી મહિલા ને વહેલી સવારે બેફામ ડમ્પરચાલકે અડફેટે લીધા હતા. ડમ્પરચાલક ઓવરટેક કરવાના ચક્કરમાં મહિલાને એક સાઈડથી ઢસડીને લઈ ગયો હતો. મહિલાને પગમાં ગંભીર રીતે ઇજા થતા હોસ્પિટલ ખસેડવામાં આવી હતી. આ અકસ્માત સીસીટીવીમાં કેદ થઈ જવા પામ્યો છે. સ્થાનિકોએ ડમ્પર ચાલકને તાત્કાલિક પકડી લીધો હતો અને પોલીસને જાણ કરી હતી.
મહિલાને પગના ભાગે ગંભીર ઈજા
સુરતના ડીંડોલી વિસ્તારમાં કરડવા રોડ પર આવેલી સોસાયટીમાં રહેતી જોલી ગુપ્તા નામની મહિલા વટ સાવિત્રીના વ્રતની પૂજા કરવા માટે વહેલી સવારે જતી હતી. સવારે સાત વાગ્યે તે પૂજા કરવા જતી હતી, તે દરમિયાન પાછળથી ડમ્પરચાલકે તેને અડફેટે લીધા હતા. ડમ્પરચાલક પૂરપાટ ઝડપે જતો હોવાથી મહિલાને ટક્કર મારી હતી. જેમાં મહિલાના પગમાં ગંભીર ઈજાઓ પહોંચી છે.
ઓપરેશન કરી સળિયા બેસાડવો પડયો
ડમ્પરચાલકે મહિલાના પગ પરથી ડમ્પર ફેરવી દીધું હોય તેવું સામે આવી રહ્યું છે. કેમ કે,મહિલાના પગ પરથી ચામડી અને હાડકુ નિકળી ગયુ છે. સીધું હાડકું દેખાઈ રહ્યું છે. સમગ્ર ઘટનાને લઇ તાત્કાલિક એમ્બ્યુલન્સ બોલાવી અમે નજીકમાં આવેલી યુટીલિટી હોસ્પિટલમાં ભરતી કરાયા છે. હાલ મહિલાનું ઓપરેશન કરી સળિયા બેસાડવામાં આવ્યા છે. અકસ્માતની ઘટના બાદ તાત્કાલિક સોસાયટીના રહીશોએ ડમ્પરચાલકને પકડી લીધો હતો અને પોલીસને જાણ કરી હતી. પોલીસે પણ ઘટનાસ્થળે આવીને તપાસ કરી હતી.
