ભારત અને ઓસ્ટ્રેલિયા વચ્ચે મેલબોર્નમાં ચોથી ટેસ્ટ મેચ રમાઈ રહી છે. આ મેચમાં ઓસ્ટ્રેલિયાની ટીમ ટોસ જીતીને પ્રથમ બેટિંગ કરી રહી છે. ઓસ્ટ્રેલિયાએ બેટિંગમાં શાનદાર શરૂઆત કરી હતી. બીજી તરફ ટીમ ઈન્ડિયાની ફિલ્ડિંગ દરમિયાન કેપ્ટન રોહિત શર્મા સાથી ખેલાડી યશસ્વી જયસ્વાલ પર ગુસ્સે થતો જોવા મળ્યો હતો. આ દરમિયાન સ્ટમ્પ માઈકમાં રોહિતનો અવાજ પણ કેદ થઈ ગયો હતો. જેનો વીડિયો સોશિયલ મીડિયા પર ખૂબ વાયરલ થઈ રહ્યો છે.
ફિલ્ડિંગ કરતી વખતે જયસ્વાલ પર ગુસ્સે થયો રોહિત
જ્યારે સ્ટીવ સ્મિથ અને માર્નસ લાબુશેન બેટિંગ કરી રહ્યા હતા, ત્યારે રોહિતે જયસ્વાલને બેટ્સમેનની બરાબર નજીક મેદાનમાં ઉભો હતો. જે બાદ જયસ્વાલ બોલ તેના સુધી પહોંચે તે પહેલા જ હવામાં કૂદતો જોવા મળ્યો, રોહિત શર્મા ગુસ્સે થઈ ગયો. રોહિતે જયસ્વાલને કહ્યું, “અરે જૈસુ, તું ગલી ક્રિકેટ રમી રહ્યો છે કે શું? જ્યાં સુધી બેટ્સમેન ના રમે ત્યાં સુધી ઉભો થતો નહીં.” રોહિતનો આ અવાજ સ્ટમ્પ માઈકમાં કેદ થઈ ગયો હતો.
ઘણી વખત બેટ્સમેનની નજીકનો ફિલ્ડર તેના ઘૂંટણ પર હાથ રાખીને નીચે નમતો જોવા મળે છે અથવા ફિલ્ડિંગ કરતી વખતે ક્યારેક નીચે બેસી જાય છે. જેના કારણે કેચની શક્યતા ઘણી વધારે રહે છે. આ જોઈને રોહિતે સ્પિન બોલરોની સામે જયસ્વાલને બેટ્સમેનની નજીક ઉભો રાખ્યો હતો.
ઓસ્ટ્રેલિયાની શાનદાર બેટિંગ
મેલબોર્ન ટેસ્ટના પહેલા દિવસે ઓસ્ટ્રેલિયા તરફથી શાનદાર બેટિંગ જોવા મળી હતી. પ્રથમ દાવમાં બેટિંગ કરતા ઓસ્ટ્રેલિયાના ચાર બેટ્સમેનોએ અડધી સદી ફટકારી હતી. જેમાં સેમ કોન્સ્ટાસ, ઉસ્માન ખ્વાજા, માર્નસ લાબુશેન અને સ્ટીવ સ્મિથનો સમાવેશ થાય છે. સેમ 60 રન બનાવીને આઉટ થયો હતો, ખ્વાજા 57 રન બનાવીને અને લાબુશેન 72 રન બનાવીને આઉટ થયો હતો.
