- ભારત અને ઓસ્ટ્રેલિયા વચ્ચે ફાઈનલ મેચ
- અમદાવાદના નરેન્દ્ર મોદી સ્ટેડિયમમાં મેચ
- ઓસ્ટ્રેલિયાને જીત માટે આપ્યો 241 રનનો ટાર્ગેટ
અમદાવાદના નરેન્દ્ર મોદી સ્ટેડિયમમાં ભારત અને ઓસ્ટ્રેલિયા વચ્ચે વર્લ્ડ કપ 2023ની ફાઈનલ મેચ રમાઈ રહી છે. આ મેચમાં પ્રથમ બેટિંગ કરતા ભારતે 240 રન બનાવ્યા છે. હવે ઓસ્ટ્રેલિયાને જીતવા માટે 241 રનનો ટાર્ગેટ છે. ભારત તરફથી બેટિંગ કરતા કેએલ રાહુલે સૌથી વધુ 66 રન બનાવ્યા હતા. આ સિવાય વિરાટ કોહલીએ 54 રનની ઇનિંગ રમી હતી. કેપ્ટન રોહિત શર્માએ 47 રનની ઝડપી ઇનિંગ રમી હતી. આ સિવાય સર્યકુમાર યાદવે 18 રનની ઇનિંગ રમી હતી.
ઓસ્ટ્રેલિયાની શાનદાર બોલિંગ
તે જ સમયે, ઓસ્ટ્રેલિયા તરફથી ખૂબ જ શાનદાર બોલિંગ જોવા મળી હતી. ઓસ્ટ્રેલિયન બોલરોએ ભારતીય ટોપ ઓર્ડરને વધુ સમય સુધી પિચ પર ટકી રહેવા દીધો ન હતો. ઓસ્ટ્રેલિયા તરફથી બોલિંગ દરમિયાન મિચેલ સ્ટાર્કે સૌથી વધુ 3 વિકેટ લીધી હતી. કેપ્ટન પેટ કમિન્સે 10 ઓવરમાં માત્ર 34 રન આપીને 2 વિકેટ લીધી હતી.
ઓસ્ટ્રેલિયાને 241 રનનો ટાર્ગેટ
આ સિવાય જોશ હેઝલવુડે 2 વિકેટ પોતાના નામે કરી હતી. જ્યારે ગ્લેન મેક્સવેલ અને એડમ ઝમ્પાએ 1-1 વિકેટ લીધી હતી. પ્રથમ દાવમાં જોવામાં આવ્યું હતું કે અમદાવાદની પીચ ખૂબ જ ધીમી છે, આવી સ્થિતિમાં જો ટીમ ઈન્ડિયા શાનદાર બોલિંગ કરશે તો આ 240 રન ઓસ્ટ્રેલિયાને હરાવવા માટે પૂરતા હશે. હવે ઓસ્ટ્રેલિયાને ફાઇનલમાં જીતવા માટે 241 રન બનાવવાના છે પરંતુ ભારતીય બોલરો જે ફોર્મમાં છે તે જોતા તે એટલું સરળ નથી.
