બોર્ડર ગાવસ્કર ટ્રોફી 2024-25 દરમિયાન વિરાટ કોહલી ઓસ્ટ્રેલિયન મીડિયાના નિશાના પર રહ્યો હતો. ઓસ્ટ્રેલિયાના મીડિયાએ વિરાટ કોહલીની ટીકા કરવામાં કોઈ કસર છોડી નથી. ઓસ્ટ્રેલિયાના અખબારે વિરાટ કોહલી માટે જોકર શબ્દનો ઉપયોગ કર્યો હતો.
આ સિવાય ત્યાંના મીડિયાએ પણ તેમના સ્વર્ગસ્થ પિતાની મજાક ઉડાવી હતી. આ દરમિયાન ઓસ્ટ્રેલિયાના મીડિયાએ ટીમ ઈન્ડિયાના કેપ્ટન રોહિત શર્મા પર નિશાન સાધવાનું શરૂ કરી દીધું છે. ઓસ્ટ્રેલિયાના એક અખબારે હવે રોહિત શર્માના ફોટો સાથે છેડછાડ કરી છે. આ અખબારે બેશરમીથી તમામ હદો વટાવી દીધી છે.
રોહિત શર્માની ઉડાવી મજાક
ઓસ્ટ્રેલિયા પ્રવાસની શરૂઆત પહેલા ઓસ્ટ્રેલિયાના મીડિયામાં વિરાટ કોહલીને લઈને ઘણી ચર્ચા થઈ હતી. તે વિરાટ કોહલીને ‘કિંગ’ પણ કહી રહ્યા હતા. પરંતુ બોક્સિંગ ડે ટેસ્ટ મેચ દરમિયાન ઓસ્ટ્રેલિયાના યુવા બેટ્સમેન સેમ કોન્સ્ટન્સ અને વિરાટ કોહલી વચ્ચે ટક્કર થઈ હતી. આ પછી તેઓએ વિરાટ કોહલી પર નિશાન સાધ્યું. હવે ઓસ્ટ્રેલિયન અખબારે રોહિત શર્મા પર નિશાન સાધ્યું છે. તેઓએ રોહિત શર્માના ફોટા સાથે છેડછાડ કરવાનો પ્રયાસ કર્યો છે. આ ફોટોમાં તેઓએ રોહિત શર્માને એક બાળક બતાવ્યું છે. આ ફોટો પર તેઓએ લખ્યું છે કે “એક કેપ્ટન જે બાળકની જેમ રડે છે.”
ઓસ્ટ્રેલિયાના મીડિયાએ પણ વિરાટ કોહલી માટે ખરાબ શબ્દોનો ઉપયોગ કર્યો હતો. ઓસ્ટ્રેલિયાના એક અખબારે તેના સ્પોર્ટ્સ પેજ પર સેમ કોન્સ્ટાસનો ફોટો પ્રકાશિત કર્યો હતો. આ ફોટોમાં તેઓએ લખ્યું હતું કે, વિરાટ હું તારો પિતા છું. આ પહેલા એક અખબારે વિરાટ કોહલીને જોકર બતાવ્યો હતો. આ પછી પૂર્વ ક્રિકેટર સુનીલ ગાવસ્કર અને ઈરફાન પઠાણે તેની ટીકા કરી હતી.
ચોથી ટેસ્ટ મેચ બની રસપ્રદ
ભારત અને ઓસ્ટ્રેલિયા વચ્ચે રમાઈ રહેલી ચોથી ટેસ્ટ મેચ રસપ્રદ પોઈન્ટ પર પહોંચી ગઈ છે. ચોથા દિવસની રમતના અંતે ઓસ્ટ્રેલિયાએ 9 વિકેટ ગુમાવીને 228 રન બનાવ્યા હતા. ઓસ્ટ્રેલિયાએ ભારત પર 333 રનની લીડ મેળવી લીધી છે. ભારત માટે પાંચમાં દિવસે 300થી વધુ સ્કોરનો પીછો કરવો સરળ નહીં હોય.
