- ભારત અને ઈંગ્લેન્ડ વચ્ચે પાંચ મેચની ટેસ્ટ સિરીઝ રમાઈ રહી છે
- કેએલ રાહુલ અને રવિન્દ્ર જાડેજા ઈજાના કારણે ટીમમાંથી બહાર
- સરફરાઝ ખાન, વોશિંગ્ટન સુંદર અને સૌરભ કુમારને મળી તક
ભારતીય ટીમને ઈંગ્લેન્ડ સામેની ટેસ્ટ સિરીઝની પ્રથમ મેચમાં હારનો સામનો કરવો પડ્યો હતો. આ મેચમાં ટીમ ઈન્ડિયાએ વિરાટ કોહલીની ખોટ વર્તાઈ હતી. હવે બીજી ટેસ્ટને લઈને પણ ટીમ ઈન્ડિયાની મુશ્કેલીઓ વધી ગઈ છે. આ પહેલા કેએલ રાહુલ અને રવિન્દ્ર જાડેજા વિઝાગ ટેસ્ટમાંથી બહાર થઈ ગયા છે. તેમની જગ્યાએ સરફરાઝ ખાન, વોશિંગ્ટન સુંદર અને સૌરભ કુમારને સામેલ કરવામાં આવ્યા છે. સરફરાઝ ખાનને તો બધા જાણે છે પણ હવે અમે તમને જણાવીએ કે સૌરભ કુમાર કોણ છે?
કોણ છે સૌરભ કુમાર?
સૌરભ કુમાર એક ઓલરાઉન્ડર છે, જે ડાબોડી બેટ્સમેન અને ધીમો લેફટ આર્મ ઓર્થોડોક્સ બોલર છે. સૌરભ કુમાર ભારતીય સ્થાનિક ક્રિકેટનો એક શાનદાર ખેલાડી છે. તેણે ફર્સ્ટ ક્લાસ ક્રિકેટમાં ભારત માટે 68 મેચ રમી અને બે સદી સહિત 2061 રન બનાવ્યા. તેણે આટલી જ મેચોમાં 290 વિકેટ પણ લીધી છે. 30 વર્ષીય સૌરભ કુમાર ઉત્તર પ્રદેશના બાગપતનો રહેવાસી છે. તેણે 2014માં ફર્સ્ટ ક્લાસમાં પ્રવેશ કર્યો હતો. તે યુપીની અલગ-અલગ ટીમો તરફથી ડોમેસ્ટિક ક્રિકેટ રમી રહ્યો છે.
2021ની ઈંગ્લેન્ડ સિરીઝમાં પસંદગી થઈ હતી!
સૌરભ કુમારને બીજી વખત ભારતની મુખ્ય ટીમમાં પસંદ કરવામાં આવ્યો છે. અગાઉ 2021 માં, તે ઇંગ્લેન્ડના ભારતના પ્રવાસ દરમિયાન નેટ બોલર તરીકે ટીમ સાથે હતો. ત્યારબાદ 2022માં શ્રીલંકા ટેસ્ટ સિરીઝ માટે તેની પસંદગી કરવામાં આવી હતી પરંતુ તે ડેબ્યૂ કરી શક્યો નહોતો. આ વખતે તેને રિપ્લેસમેન્ટ તરીકે ટીમમાં સામેલ કરવામાં આવ્યો છે. એટલે કે ઘણી હદ સુધી એવી શક્યતાઓ છે કે તેને ટીમમાં ડેબ્યૂ કરવાની તક મળી શકે છે. આ ઉપરાંત વોશિંગ્ટન સુંદરને પણ ટીમમાં સ્થાન મળ્યું છે જે સૌરભ માટે પ્રતિસ્પર્ધી સાબિત થઈ શકે છે.
IPL ડેબ્યૂની રાહ જોઈ રહી છે
સૌરભ કુમારની વાત કરીએ તો તે IPLમાં રાઇઝિંગ પુણે સુપરજાયન્ટ્સ અને પંજાબ કિંગ્સનો પણ ભાગ રહી ચૂક્યો છે. પરંતુ હજુ સુધી તેને અહીં પણ ડેબ્યૂ કરવાની તક મળી નથી. તેણે રણજી અને સ્થાનિક ક્રિકેટના અન્ય ફોર્મેટમાં શાનદાર પ્રદર્શન કર્યું છે. તેણે ફર્સ્ટ ક્લાસ ક્રિકેટમાં 290 વિકેટ અને લિસ્ટ Aમાં 35 મેચમાં 49 વિકેટ ઝડપી છે. આ સિવાય તે ટીમ માટે ઓલરાઉન્ડર તરીકે પણ પોતાની ભૂમિકા નિભાવી શકે છે.
