ભારત અને ન્યુઝીલેન્ડ વચ્ચે આઈસીસી ચેમ્પિયન્સ ટ્રોફી 2025 માં ગ્રુપ સ્ટેજની છેલ્લી મેચ દુબઈ ઇન્ટરનેશનલ ક્રિકેટ સ્ટેડિયમ ખાતે રમાઈ રહી છે. આ મેચમાં કિવી ટીમના કેપ્ટન મિશેલ સેન્ટનરે ટોસ જીતીને પહેલા બોલિંગ કરવાનો નિર્ણય લીધો છે જ્યારે આ મેચ માટે બંને ટીમોના પ્લેઇંગ ૧૧ માં ૧-૧ ફેરફાર કરવામાં આવ્યા છે, જેમાં ભારતીય ટીમે એક વધારાનો સ્પિન બોલરનો સમાવેશ કર્યો છે, જેના કારણે હર્ષિત રાણાને ટીમમાંથી બહાર કરવામાં આવ્યો છે, જ્યારે વરુણ ચક્રવર્તીને તક મળી છે, જે ICC ODI ટુર્નામેન્ટમાં પહેલીવાર મેચ રમશે. જો આપણે કિવી ટીમમાં થયેલા ફેરફારોની વાત કરીએ તો, ડેવોન કોનવેની જગ્યાએ ડેરિલ મિશેલનો સમાવેશ કરવામાં આવ્યો છે.
પ્લેઇંગ 11માં એક ફેરફાર
ન્યૂઝીલેન્ડ સામેની મેચમાં ટોસ હાર્યા બાદ ભારતીય ટીમના કેપ્ટન રોહિત શર્માએ કહ્યું કે અમે આ મેચમાં પહેલા બેટિંગ કરવા માંગીએ છીએ જેથી સેમિફાઇનલ પહેલા જોઈ શકીએ કે અહીં કયા પડકારોનો સામનો કરવો પડી શકે છે. અમે અમારી પ્લેઇંગ 11 માં એક ફેરફાર કર્યો છે જેમાં હર્ષિત રાણાને રેસ્ટ કરવાનો નિર્ણય લેવામાં આવ્યો છે અને તેના સ્થાને વરુણ ચક્રવર્તીને સામેલ કરવામાં આવ્યો છે. અમે છેલ્લી બે મેચમાં કુલ 19 વિકેટ લીધી હતી જેમાં અમારા સ્પિનરોએ વચ્ચેની ઓવરોમાં ખૂબ સારી બોલિંગ કરી હતી જ્યારે ઝડપી બોલરો પણ વિકેટ લેવામાં સફળ રહ્યા હતા.
ભારતીય ટીમ
રોહિત શર્મા (કેપ્ટન), શુભમન ગિલ, વિરાટ કોહલી, શ્રેયસ ઐયર, અક્ષર પટેલ, કેએલ રાહુલ (વિકેટકીપર), હાર્દિક પંડ્યા, રવિન્દ્ર જાડેજા, મોહમ્મદ શમી, કુલદીપ યાદવ, વરુણ ચક્રવર્તી.
ન્યુઝીલેન્ડની ટીમ
વિલ યંગ, રચિન રવિન્દ્ર, કેન વિલિયમસન, ડેરિલ મિશેલ, ટોમ લેથમ (વિકેટકીપર), ગ્લેન ફિલિપ્સ, માઈકલ બ્રેસવેલ, મિશેલ સેન્ટનર (કેપ્ટન), મેટ હેનરી, કાયલ જેમીસન, વિલિયમ ઓ’રોર્ક.
