આજે ભારત-પાકિસ્તાન વચ્ચે દુબાઈમાં મેચ રમાવા જઈ રહી છે,જેમાં મેચ શરૂ થાય તે પહેલા પાકિસ્તાનની ટીમમાં ડરનો માહોલ ઉભો થયો છે.ચેમ્પિયન્સ ટ્રોફીમાં ટીમ ઈન્ડિયાએ ભાગ લેવાનો ઈન્કાર કર્યા બાદ પાકિસ્તાનમાં આ મેચને લઈને વધુ ઉત્સુકતા છે. પાકિસ્તાની ચાહકો ભારતને હરાવવા ઈચ્છે છે પરંતુ મેદાન પરની વાસ્તવિકતાથી બધા વાકેફ છે અને આ ડર શોએબ અખ્તરના હોઠ સુધી પણ પહોંચી ગયો.
ભારત અને પાકિસ્તાન વચ્ચે સંઘર્ષની ચર્ચા
દર વખતની જેમ આ વર્ષે ભારત-પાકિસ્તાનની મેચને લઈ મુકાબલો જામશે જેમાં આજે ચેમ્પિયન્સ ટ્રોફી 2025માં મેચને લઈને બંને દેશોના ખેલાડીઓ, ભૂતપૂર્વ ખેલાડીઓ, મીડિયા અને ચાહકોમાં સમાન ઉત્સુકતા અને ઉત્સાહ છે. જો કે આ મેચને લઈને પાકિસ્તાનમાં થોડો ડર છે. આ જ કારણ છે કે પાકિસ્તાની પ્રશંસકો અને પૂર્વ ક્રિકેટરોને પોતાની ટીમમાં વધારે વિશ્વાસ નથી. ભૂતપૂર્વ પાકિસ્તાની ફાસ્ટ બોલર શોએબ અખ્તર પણ પોતાનો ડર છુપાવી શક્યો નહીં અને તેણે ખુલ્લેઆમ સ્વીકાર્યું કે ભારતીય બેટ્સમેનો પાકિસ્તાનને સારી રીતે હરાવી દેશે.
શું થશે આજની મેચમાં પાકિસ્તાનનું તેને લઈ સવાલ
ચેમ્પિયન્સ ટ્રોફીમાં એક-એક મેચ રમી ચૂકેલા ભારત અને પાકિસ્તાન માટે આ મેચ મહત્વપૂર્ણ છે. એક તરફ બંને દેશોનો જૂનો ઈતિહાસ પોતાનામાં એક મોટું કારણ છે, તો બીજી તરફ ટીમ ઈન્ડિયા આ ટૂર્નામેન્ટ માટે પાકિસ્તાન ન જવાને કારણે વાતાવરણ પહેલા કરતા અલગ છે. ખાસ કરીને પાકિસ્તાનમાં આ મેચને લઈને ભારે ઉત્સુકતા છે અને પાકિસ્તાની ચાહકોથી લઈને પૂર્વ ક્રિકેટરો પણ ભારતને પાઠ ભણાવવા જેવા અવાજ ઉઠાવી રહ્યા છે.
શોએબ અખ્તર મેચ પહેલા ડરી ગયો
ક્રિકેટના ઈતિહાસનો સૌથી ઝડપી બોલર શોએબ અખ્તર પણ આ વાતથી વાકેફ છે અને તે જાણે છે કે પાકિસ્તાન માટે ટીમ ઈન્ડિયાને હરાવવાનું બિલકુલ આસાન નથી. ચેમ્પિયન્સ ટ્રોફીની આ શાનદાર મેચ પહેલા પાકિસ્તાનના પૂર્વ પેસરે પોતાની યુટ્યુબ ચેનલ પર એક વીડિયો પોસ્ટ કર્યો હતો, જેમાં તેણે પોતાના દેશની ટીમને ટીમ ઈન્ડિયાની તાકાત વિશે ચેતવણી આપી હતી. અખ્તરે કહ્યું, “હિન્દુસ્તાન તમને બરાબર હરાવી દેશે. તેની બેટિંગ ક્યારેય ન સમાપ્ત થતી વાર્તા છે. તેની બેટિંગની વાત કરીએ તો તે ટૂર્નામેન્ટમાં ખૂબ જ મજબૂત છે. તેની બોલિંગ પણ સારી છે.ટીમ ઈન્ડિયાના વખાણ કરવા છતાં દરેક પાકિસ્તાનીની જેમ અખ્તરે પણ ઈચ્છા વ્યક્ત કરી કે તેમની ટીમ રવિવારે ભારતને હરાવી જોઈએ. અખ્તરે કહ્યું, “હું ઈચ્છું છું કે પાકિસ્તાન ખૂબ સારું રમે જેથી તે ભારતને હરાવી શકે. હું ઈચ્છું છું કે ભારત આ મેચ હારી જાય પરંતુ અલબત્ત ભારત આ ટૂર્નામેન્ટ જીતવા માટે ઘણી સારી ટીમ છે.
પાકિસ્તાને ચેમ્પિયન્સ ટ્રોફીમાં ભારતને 3 વખત હરાવ્યું છે
જોકે, ચેમ્પિયન્સ ટ્રોફીમાં ભારત-પાકિસ્તાનની ટક્કરનો રેકોર્ડ હાલમાં યજમાન ટીમના પક્ષમાં છે. પાકિસ્તાને ચેમ્પિયન્સ ટ્રોફીમાં ભારતને 3 વખત હરાવ્યું છે, જ્યારે ટીમ ઈન્ડિયા માત્ર 2 વખત જીતી શકી છે. પરંતુ જ્યારે દુબઈમાં રમવાની વાત આવે છે ત્યારે અહીં ટીમ ઈન્ડિયાનો હાથ ઉપર છે. બંને ટીમો વચ્ચે આ મેદાનમાં 2 ODI મેચ રમાઈ ચુકી છે અને તે બંનેમાં ભારતે સરળતાથી જીત મેળવી હતી. 2018 પછી પહેલીવાર આ મેદાન પર ભારત અને પાકિસ્તાન વચ્ચે વનડે મેચ રમાશે.
