સેન્ચુરિયનમાં સદી ફટકાર્યા બાદ સ્ટાર બેટ્સમેન કેએલ રાહુલનું છલકાયું દર્દ

• કેઅલ રાહુલ સોશિયલ મીડિયા પર ટ્રોલ થવાથી હતો પરેશાન
  
• રાહુલે સાઉથ આફ્રિકા સામે શાનદાર ઈનિંગ રમીને ફટકારી સદી
  
• સાઉથ આફ્રિકા સામે ભારત પ્રથમ દાવમાં 245 રનમાં ઓલઆઉટ
  

સાઉથ આફ્રિકાના સેન્ચુરિયનમાં સતત બીજી સદી ફટકારનાર ટીમ ઈન્ડિયાના સ્ટાર બેટ્સમેન કેએલ રાહુલે સોશિયલ મીડિયા પર ટ્રોલનો સામનો કરવાની પોતાની રીત વિશે ખુલીને વાત કરી હતી. તેણે ભારપૂર્વક જણાવ્યું હતું કે અન્ય ખેલાડીઓની જેમ તે પણ નકારાત્મક ટિપ્પણીઓથી પ્રભાવિત થાય છે. રાહુલે કહ્યું કે, આ વર્ષની શરૂઆતમાં થયેલી ઈજાના કારણે મને મારી જાત સાથે વાત કરવાનો સમય મળ્યો હતો. મે મારી જાતને સમજાવ્યું કે હું લોકોને બેટિંગથી જવાબ આપીશ અને સોશિયલ મીડિયાની નકારાત્મક ટીપ્પણીઓથી દૂર રહીશ.

કેએલ રાહુલ બોર્ડર-ગાવસ્કર ટ્રોફીમાંથી બહાર

સેન્ચુરિયનમાં સાઉથ આફ્રિકા અને ભારત વચ્ચે બોક્સિંગ ડે ટેસ્ટના બીજા દિવસે શાનદાર સદી ફટકાર્યા બાદ કેએલ રાહુલે આ વાતનો ખુલાસો કર્યો છે. કેએલ રાહુલ આ વર્ષની શરૂઆતમાં ઓસ્ટ્રેલિયા સામે બોર્ડર-ગાવસ્કર ટ્રોફી દરમિયાન અધવચ્ચે જ ઈજાના કારણે બહાર થઈ ગયો હતો. તે પછી, કેએલ રાહુલે હવે ટેસ્ટ ફોર્મેટમાં વાપસી કરી છે, અને તરત જ શાનદાર સદી ફટકારી છે. કેએલ રાહુલ પણ IPL દરમિયાન ઈજાગ્રસ્ત થયો હતો અને ત્યારબાદ ઘણા મહિનાઓ સુધી ક્રિકેટ રમી શક્યો ન હતો. આ કારણોસર તે વર્લ્ડ ટેસ્ટ ચેમ્પિયનશિપ ટીમનો ભાગ પણ નહોતો. જો કે, તે એશિયા કપમાંથી પાછો ફર્યો અને તેણે શાનદાર બેટિંગ કરીને બતાવ્યું કે તેણે આ વર્ષે તેની ઈજામાંથી બહાર આવીને તેની રમતની શૈલી પર ધ્યાન આપ્યું હતું.

એશિયા કપમાંથી શાનદાર વાપસી

કેએલ રાહુલે એશિયા કપમાં ઘણી શાનદાર ઇનિંગ્સ રમી હતી અને તે પછી વર્લ્ડ કપમાં પણ તેણે ન માત્ર નંબર-5ની ભૂમિકા ખૂબ સારી રીતે ભજવી હતી પરંતુ વિકેટ કીપિંગમાં પણ કમાલ કરી હતી. કેએલ રાહુલ કેપ્ટનને ડીઆરએસ લેવા માટે પણ એકદમ સાચી સલાહ આપે છે.

મેચની સ્થિતિ

જો કે, જો સેન્ચુરિયનમાં ચાલી રહેલી ટેસ્ટ મેચની વાત કરીએ તો ભારતે કેએલ રાહુલની સદીની મદદથી પ્રથમ ઇનિંગ્સમાં કુલ 245 રન બનાવ્યા હતા, પરંતુ બીજા દિવસની રમતના અંતે સાઉથ આફ્રિકાએ 256 રન બનાવી લીધા હતા. 5 વિકેટ ગુમાવી હતી. દર વખતની જેમ આ વખતે પણ સાઉથ આફ્રિકા તરફથી ડીન એલ્ગર ફરી એકવાર ખડકની જેમ ક્રિઝ પર અટક્યો છે અને 140 રન બનાવીને અણનમ રહ્યો છે.