IND vs SA 2nd ODI : સાઉથ આફ્રિકાએ ટોસ જીતીને પહેલા બોલિંગ કરવાનો લીધો નિર્ણય

ભારત અને દક્ષિણ આફ્રિકા વચ્ચે ત્રણ મેચની ODI સીરિઝની બીજી મેચ રાયપુરના શહીદ વીર નારાયણ સિંહ ઇન્ટરનેશનલ સ્ટેડિયમ ખાતે રમાઈ રહી છે. દક્ષિણ આફ્રિકાએ ટોસ જીતીને પહેલા બોલિંગ કરવાનો નિર્ણય લીધો. આ ભારતની સતત 20મી હાર છે. દક્ષિણ આફ્રિકાની ટીમમાં ત્રણ ફેરફાર કરવામાં આવ્યા છે. ટેમ્બા બાવુમા, કેશવ મહારાજ અને લુંગી ન્ગીડીને પ્લેઇંગ ઇલેવનમાં સામેલ કરવામાં આવ્યા છે. દરમિયાન, ટીમ ઇન્ડિયાની પ્લેઇંગ ઇલેવનમાં કોઈ ફેરફાર કરવામાં આવ્યો નથી.

રાયપુર ODI જીતીને,ટીમ ઈન્ડિયા માત્ર સીરિઝ જીતી શકશે નહીં પરંતુ દક્ષિણ આફ્રિકા સામે તેનું 10 વર્ષનું વર્ચસ્વ પણ જાળવી શકશે. ટીમ ઈન્ડિયા છેલ્લા 10 વર્ષમાં દક્ષિણ આફ્રિકા સામે ઘરઆંગણે એક પણ ODI શ્રેણી હાર્યું નથી.

રાંચીની જેમ, રાયપુરમાં ક્રિકેટ ચાહકો રોહિત શર્મા અને વિરાટ કોહલી પર નજર રાખશે. રાંચી ODI માં, રોહિતે અડધી સદી ફટકારી, જ્યારે વિરાટ કોહલીએ સદી ફટકારી. ૨૦૨૭નો વનડે વર્લ્ડ કપ હજુ બે વર્ષ દૂર છે, ત્યારે દરેક મેચ કોહલી અને રોહિત માટે પોતાની ફિટનેસ અને ફોર્મ સાબિત કરવાની તક છે. અત્યાર સુધી, બંને ખેલાડીઓ તે તકોનો મહત્તમ ઉપયોગ કરી રહ્યા છે.

ભારતની પ્લેઈંગ 11: યશસ્વી જયસ્વાલ, રોહિત શર્મા, વિરાટ કોહલી, રુતુરાજ ગાયકવાડ, વોશિંગ્ટન સુંદર, કેએલ રાહુલ (કેપ્ટન, વિકેટકીપર), રવિન્દ્ર જાડેજા, હર્ષિત રાણા, કુલદીપ યાદવ, અર્શદીપ સિંહ, પ્રસીદ કૃષ્ણ.

દક્ષિણ આફ્રિકાની પ્લેઇંગ 11: એડન માર્કરામ, ક્વિન્ટન ડી કોક (વિકેટકીપર), ટેમ્બા બાવુમા (કેપ્ટન), મેથ્યુ બ્રીટ્ઝકે, ટોની ડી જોર્ઝી, ડેવાલ્ડ બ્રુઇસ, માર્કો જેનસેન, કોર્બિન બોશ, કેશવ મહારાજ, નાન્દ્રે બર્ગર, લુંગી ન્ગીડી.