- કેપટાઉનમાં રમાઇ રહી છે ભારત અને દક્ષિણ આફ્રિકા વચ્ચે ટેસ્ટ મેચ
- વિરાટ કોહલી અને શુભમન ગિલનો રસપ્રદ ડાન્સ જોવા મળ્યો
- કોહલી અને ગિલ એકબીજાના હાથ પકડીને વર્તુળમાં ફર્યા
ભારત અને દક્ષિણ આફ્રિકા વચ્ચે ટેસ્ટ સીરીઝની બીજી મેચ કેપટાઉનમાં રમાઈ રહી છે. આફ્રિકન ટીમ બીજી ઇનિંગ ચાલુ રાખવા માટે મેચના બીજા દિવસે મેદાનમાં ઉતરશે. તેણે 3 વિકેટ ગુમાવીને 62 રન બનાવ્યા છે. આ પહેલા ટીમ પ્રથમ દાવમાં 55 રન બનાવીને ઓલઆઉટ થઈ ગઈ હતી. આ મેચ દરમિયાન વિરાટ કોહલી અને શુભમન ગિલનો રસપ્રદ અંદાજ જોવા મળ્યો હતો. આ બંને ખેલાડીઓ મેદાન પર ડાન્સ કરતા જોવા મળ્યા હતા.
કોહલી ગિલનો ડાંસ
વાસ્તવમાં, કોહલી તેની અનોખા અંદાજ માટે ખૂબ જ પ્રખ્યાત છે. તેઓ મેચ દરમિયાન ખેલાડીઓ તેમજ ચાહકોનું મનોરંજન કરે છે. કેપટાઉન ટેસ્ટમાં તે શુભમન સાથે ડાન્સ કરતો જોવા મળ્યો હતો. કોહલી અને ગિલ એકબીજાના હાથ પકડીને વર્તુળોમાં ફરવા લાગ્યા. તેની રસપ્રદ સ્ટાઈલનો વીડિયો સોશિયલ મીડિયા પર ખૂબ વાયરલ થઈ રહ્યો છે. તેના પર ફેન્સે અનેક પ્રકારની પ્રતિક્રિયાઓ આપી છે.
ભારતીય ટીમે બનાવ્યા 153 રન
નોંધનીય છે કે ટીમ ઈન્ડિયાએ કેપટાઉન ટેસ્ટની પ્રથમ ઈનિંગમાં ઓલઆઉટ થવા સુધી 153 રન બનાવ્યા હતા. આ દરમિયાન કેપ્ટન રોહિત શર્માએ 50 બોલનો સામનો કરીને 39 રન બનાવ્યા હતા. રોહિતની આ ઇનિંગમાં 7 ચોગ્ગા સામેલ હતા. શુભમન ગિલે 36 રન અને વિરાટ કોહલીએ 46 રન બનાવ્યા હતા. યશસ્વી જયસ્વાલ શૂન્ય રને આઉટ થયો હતો. શ્રેયસ ઐયર પણ ખાતું ખોલાવી શક્યો નહોતો. કેએલ રાહુલ 33 બોલનો સામનો કરીને 8 રન બનાવીને પેવેલિયન પરત ફર્યો હતો. રવિન્દ્ર જાડેજા પણ શૂન્ય રને આઉટ થયો હતો.
સિરાજે લીધી 6 વિકેટ
મોહમ્મદ સિરાજે ભારત માટે ખતરનાક બોલિંગ કરી છે. તેણે દક્ષિણ આફ્રિકાની પ્રથમ ઇનિંગ દરમિયાન 6 વિકેટ ઝડપી હતી. સિરાજે 9 ઓવરમાં 15 રન આપ્યા અને 3 મેડન ઓવર નાખી હતી. જસપ્રિત બુમરાહે 8 ઓવરમાં 25 રન આપીને 2 વિકેટ લીધી હતી. મુકેશ કુમારને પણ 2 વિકેટ મળી હતી. બીજી ઇનિંગની વાત કરીયે તો મુકેશ કુમારે 2 વિકેટ તથા બુમરાહના નામે 1 વિકેટ છે.
