- કોહલી ફેમિલી ઈમરજન્સીના કારણે ઘરે પરત ફર્યો
- રૂતુરાજ ગાયકવાડ ટેસ્ટ શ્રેણીમાંથી બહાર
- વર્લ્ડકપ પછી પહેલીવાર મેદાનમાં ઉતરશે કોહલી
ભારત અને દક્ષિણ આફ્રિકા વચ્ચે 26 ડિસેમ્બરથી ટેસ્ટ શ્રેણી રમાશે. આ પહેલા વિરાટ કોહલી ભારત પરત ફર્યો છે. જો રિપોર્ટ્સનું માનીએ તો કોહલી ફેમિલી ઈમરજન્સીના કારણે પરત ફર્યો છે. રૂતુરાજ ગાયકવાડ ટેસ્ટ શ્રેણીમાંથી બહાર છે. ગાયકવાડ ઈજાગ્રસ્ત છે અને હજુ સુધી ફિટ થયો નથી. ટીમ ઈન્ડિયા અને સાઉથ આફ્રિકા વચ્ચે સિરીઝની પ્રથમ મેચ સેન્ચુરિયનમાં રમાવાની છે.
ફેમિલી ઈમરજન્સીના કારણે ભારત પરત ફર્યો કોહલી
એક સમાચાર અનુસાર, કોહલી ફેમિલી ઈમરજન્સીના કારણે ભારત પરત ફર્યો છે. પરંતુ સમગ્ર મામલો શું છે તે હજુ જાણવા મળ્યું નથી. ટીમ ઈન્ડિયા માટે સારી વાત એ છે કે કોહલી ટૂંક સમયમાં ટીમમાં સામેલ થશે. તે ભારત અને દક્ષિણ આફ્રિકા વચ્ચે રમાનારી મેચમાં પણ ભાગ લેશે. કોહલીએ ત્રણ દિવસ પહેલા જ ભારત આવવાની પરવાનગી લીધી હતી. ભારત પરત ફરવાના કારણે તે પ્રેક્ટિસમાં ભાગ લઈ શક્યો નહોતો.
ગાયકવાડ સીરીઝમાંથી બહાર
ભારત અને દક્ષિણ આફ્રિકા વચ્ચે રમાયેલી બીજી વનડે મેચ દરમિયાન રૂતુરાજને ઈજા થઈ હતી. તેની આંગળીમાં ઈજા થઈ છે. ગાયકવાડ ઈજામાંથી સંપૂર્ણ રીતે ઠીક થયો નથી. હાલમાં તે BCCIની મેડિકલ ટીમની દેખરેખમાં છે. ભારત અને દક્ષિણ આફ્રિકા વચ્ચેની પ્રથમ ટેસ્ટ શરૂ થવામાં બહુ ઓછો સમય બાકી છે અને ત્યાં સુધી તેઓ સ્વસ્થ થઈ શકશે નહીં. આ કારણોસર ગાયકવાડને બહાર કરવામાં આવ્યો છે.
વર્લ્ડકપ પછી પહેલીવાર મેદાનમાં ઉતરશે કોહલી
તમને જણાવી દઈએ કે વિરાટ કોહલી વર્લ્ડ કપ 2023 પછી પહેલીવાર મેચ રમવા માટે મેદાનમાં ઉતરશે. રોહિત શર્મા પણ ટેસ્ટ શ્રેણીનો ભાગ છે. તેઓ પણ રમશે. ભારતે આ શ્રેણી માટે યુવા બેટ્સમેન યશસ્વી જયસ્વાલ અને શુભમન ગિલને પણ ટીમમાં સામેલ કર્યા છે. ઋતુરાજને પણ તક મળી. પરંતુ તે ઈજાના કારણે બહાર છે. ઈશાન કિશનને પણ સ્થાન આપવામાં આવ્યું હતું. પરંતુ ઈશાને સિરીઝમાંથી પોતાનું નામ પાછું ખેંચી લીધું હતું. તેથી તેમની જગ્યાએ કેએસ ભરતને ટીમ ઈન્ડિયામાં સ્થાન આપવામાં આવ્યું હતું.
