T20 ક્રિકેટની દુનિયામાં 2025એક એવું વર્ષ સાબિત થઈ રહ્યું છે જ્યાં યુવા બેટ્સમેનોએ તેમની વિસ્ફોટક બેટિંગથી વિશ્વભરના ચાહકોને રોમાંચિત કર્યા છે.આમાં ભારતના વિસ્ફોટક બેટ્સમેન અભિષેક શર્માનો પણ સમાવેશ થાય છે.શર્માએ આ વર્ષે ટીમ ઈન્ડિયા માટે T20 ફોર્મેટમાં ઘણી મેચ જીતનારી ઇનિંગ્સ રમી છે.હવે તે દક્ષિણ આફ્રિકા સામેની પાંચ મેચની T20 સીરિઝમાં જોવા મળશે.આ સીરિઝમાં તેની પાસે ખાસ યાદીમાં નંબર વન બનવાની તક છે.
અભિષેક શર્મા રમવા માટે તૈયાર
2025નું વર્ષ અભિષેક શર્મા માટે ખૂબ પ્રભાવશાળી રહ્યું છે. તેણે ટીમ ઈન્ડિયા માટે 17 ઇનિંગ્સમાં 47.3 ની સરેરાશ અને 196.4 ના સ્ટ્રાઇક રેટ સાથે 756 રન બનાવ્યા છે. પરિણામે, 9 ડિસેમ્બરથી શરૂ થતી દક્ષિણ આફ્રિકા સામેની પાંચ મેચની T20 શ્રેણીમાં બધાની નજર અભિષેક શર્મા પર છે. તેની પાસે વર્ષના સૌથી વધુ T20I રન-સ્કોરર બનવાની શાનદાર તક છે. આ યાદીમાં ટોચ પર રહેવા માટે તેને 181 રનની જરૂર છે.
સૌથી વધુ T20I રનની યાદીમાં ટોચ પર
હાલમાં,ઝિમ્બાબ્વેના બ્રાયન બેનેટ 2025 માં સૌથી વધુ T20I રનની યાદીમાં ટોચ પર છે.તેમણે 25 ઇનિંગ્સમાં 936 રન બનાવ્યા છે.બાંગ્લાદેશના તનઝીદ હસન 27 ઇનિંગ્સમાં 775 રન બનાવીને યાદીમાં બીજા ક્રમે છે.બીજી તરફ, પાકિસ્તાનના સાહિબજાદા ફરહાન 26 ઇનિંગ્સમાં 771 રન બનાવીને ત્રીજા સ્થાને છે. જો અભિષેક શર્મા આ સીરિઝમાં 181 રન બનાવે છે, તો તે ત્રણેય ખેલાડીઓને એકસાથે પાછળ છોડી દેશે.
સૈયદ મુશ્તાક અલી ટ્રોફીમાં શાનદાર પ્રદર્શન
અભિષેક શર્મા હાલમાં સૈયદ મુશ્તાક અલી ટ્રોફીમાં રમી રહ્યો છે.તેમણે આ ટુર્નામેન્ટમાં પ્રભાવશાળી બેટિંગ પ્રદર્શન દર્શાવ્યું હતું.તેમણે છ મેચમાં 249.18 ના સ્ટ્રાઇક રેટથી 304 રન બનાવ્યા હતા, જેમાં 27 ચોગ્ગા અને 26 છગ્ગા ફટકાર્યા હતા. જેમાં બંગાળ સામે 148 રનની તોફાની ઇનિંગ્સનો પણ સમાવેશ થાય છે.
