ફાઇનલ પહેલા સાબરમતી નદીના કિનારે ડિનર કરશે ભારત-ઓસ્ટ્રેલિયાના ખેલાડી,જમવાનું મેન્યુ પણ ખાસ

• ભારત અને ઓસ્ટ્રેલિયાની ટીમો સામસામે ટકરાશે
• ફાઇનલ પહેલા બન્ને ટીમ સાબરમતી ખાતે કરશે ડિનર
• ખેલાડીઓ અટલ ફૂટ ઓવર બ્રિજની પણ મુલાકાત લેશે

અમદાવાદના નરેન્દ્ર મોદી સ્ટેડિયમમાં રવિવાર, 19 નવેમ્બરે વર્લ્ડ કપ 2023ની ફાઇનલમાં ભારત અને ઓસ્ટ્રેલિયાની ટીમો સામસામે ટકરાશે. પરંતુ આ ટાઈટલ મેચ પહેલા બંને ટીમોને ડિનરનું ખાસ આમંત્રણ મળ્યું છે. ખરેખરમાં સાબરમતી નદી પર બનેલા રિવર ક્રૂઝમાંથી બંને ટીમોને ડિનર માટે આમંત્રણ આપવામાં આવ્યું છે. ભારતીય ક્રિકેટ બોર્ડ અને ગુજરાત ક્રિકેટ એસોસિએશન ફાઇનલ મેચને ખાસ બનાવવાની તૈયારીમાં વ્યસ્ત છે.

રિવર ક્રુઝ રેસ્ટોરન્ટ અમદાવાદની સાબરમતી નદી પર બનેલ છે. રેસ્ટોરન્ટના માલિક સુહર મોદીએ કહ્યું કે વર્લ્ડ કપ પહેલા તમામ ટીમોને ડિનર માટે બોલાવવામાં આવી હતી. હવે ટૂર્નામેન્ટની ફાઈનલ મેચ પહેલા ભારત અને ઓસ્ટ્રેલિયાની ટીમો માટે ડિનરની તૈયારી કરવામાં આવી રહી છે. મળતી માહિતી અનુસાર રાત્રિભોજનના મેનુમાં ગુજરાતી ફૂડનો સમાવેશ કરવામાં આવ્યો છે. આ ઉપરાંત ખેલાડીઓ અટલ ફૂટ ઓવર બ્રિજની પણ મુલાકાત લેશે.

ભારતે ન્યૂઝીલેન્ડને હરાવ્યું, ઓસ્ટ્રેલિયાએ સેમિફાઇનલમાં દક્ષિણ આફ્રિકાને હરાવ્યું

વર્લ્ડ કપ 2023ની પ્રથમ સેમિફાઇનલ મેચ ગયા બુધવારે (15 નવેમ્બર) ભારત અને ન્યુઝીલેન્ડ વચ્ચે મુંબઈના વાનખેડે સ્ટેડિયમમાં રમાઈ હતી. આ મેચમાં રોહિત શર્માની કપ્તાનીમાં ભારતીય ટીમે 70 રનથી શાનદાર જીત નોંધાવી હતી. મોહમ્મદ શમીએ 7 વિકેટ લઈને ભારત માટે ઐતિહાસિક સિદ્ધિ નોંધાવી હતી. જ્યારે વિરાટ કોહલીએ તેની 50મી ODI સદી ફટકારી હતી. આ સિવાય શ્રેયસ અય્યરે પણ સદી ફટકારી હતી.

આ પછી, ટૂર્નામેન્ટની બીજી સેમિફાઇનલ દક્ષિણ આફ્રિકા અને ઓસ્ટ્રેલિયા વચ્ચે કોલકાતાના ઈડન ગાર્ડન્સ ખાતે રમાઈ હતી. ઓસ્ટ્રેલિયાએ આ મેચ 3 વિકેટે જીતી લીધી હતી. બંને વચ્ચે ખૂબ જ રોમાંચક સ્પર્ધા જોવા મળી હતી. આ રીતે ભારત અને ઓસ્ટ્રેલિયાની ટીમોએ ફાઇનલમાં જગ્યા બનાવી લીધી છે.