- જે કેપ્ટન ટોસ જીતે છે તે પહેલા બોલિંગ કરવાનો નિર્ણય લઈ શકે છે
- ડરબનની પિચ પર બેટ્સમેન સરળતાથી રન બનાવી લે છે
- આ પીચ પર સરેરાશ સ્કોર 170 રન
આજે ભારત અને સાઉથ આફ્રિકા વચ્ચે 3 ટી-20 મેચની શ્રેણીની પ્રથમ મેચ રમાશે. ભારત અને સાઉથ આફ્રિકા વચ્ચેની સિરીઝને લઈને ચાહકો ખૂબ જ ઉત્સાહિત છે. આ મેચનો આનંદ માણવા ફેન્સ આજથી જ ડરબન પહોંચી રહ્યા છે. બંને ટીમો ડરબનના મેદાન પર સામસામે ટકરાશે. આ મેચ ભારતીય સમય અનુસાર સાંજે 7.30 વાગ્યે શરૂ થશે. ભારતીય ટીમનું નેતૃત્વ સૂર્યકુમાર યાદવ કરશે, જ્યારે સાઉથ આફ્રિકાની ટીમનું નેતૃત્વ એડન માર્કરામ કરશે. તો જાણો કેવો જામશે જંગ.
ડરબનમાં બેટ્સમેનોને મજા આવશે કે પછી બોલરો માટે પડકાર ઉભો કરશે?
આંકડા દર્શાવે છે કે ડરબનની પિચ પર બેટ્સમેન સરળતાથી રન બનાવી લે છે. આ પીચ પર સરેરાશ સ્કોર 170 રન છે. અહીં એક ટીમ એક દાવમાં અંદાજે 170 રન બનાવે છે. આ આંકડા બોલરો માટે સારા નથી. આ સિવાય ટોસ જીતનારી ટીમ પહેલા ફિલ્ડિંગ કરવા માંગે છે. ભૂતકાળના રેકોર્ડ મુજબ રનનો પીછો કરવો સરળ છે. એટલે કે જે કેપ્ટન ટોસ જીતે છે તે પહેલા બોલિંગ કરવાનો નિર્ણય લઈ શકે છે. તે જ સમયે, બોલરોને આ વિકેટ પર બાઉન્સ મળે છે, જે બેટ્સમેનો માટે પડકાર બની શકે છે.
લાઇવ સ્ટ્રીમિંગ અને બ્રોડકાસ્ટ ક્યારે, ક્યાં અને કેવી રીતે જોઈ શકો છો?
ભારત અને સાઉથ આફ્રિકા વચ્ચે 3 ટી-20 મેચની શ્રેણીની પ્રથમ મેચ ડરબનમાં રમાશે. બંને ટીમો વચ્ચેની મેચ ભારતીય સમય અનુસાર સાંજે 7.30 કલાકે શરૂ થશે. ભારત અને સાઉથ આફ્રિકા વચ્ચેની લાઇવ મેચનું પ્રસારણ Disney+ Hotstar પર કરવામાં આવશે. આ સિવાય જો તમે ટીવી પર મેચ જોવા માંગતા હોવ તો તમે તેને સ્ટાર સ્પોર્ટ્સ પર જોઈ શકો છો. આવી સ્થિતિમાં, તમારે મેચ જોવા માટે તમારા પૈસા ખર્ચવા પડશે. તમારે Disney+ Hotstar માટે સબસ્ક્રિપ્શન લેવું પડશે. જો કે ભારત vs સાઉથ આફ્રિકા વચ્ચેની સિરીઝ Jio સિનેમા પર બતાવવામાં આવશે નહીં.
વરસાદની ટકાવારી કેટલી છે?
ભારત અને સાઉથ આફ્રિકા વચ્ચેની મેચ સાંજે 7:30 વાગ્યે શરૂ થશે. હવામાન વિભાગે જણાવ્યું કે આ મેચ વરસાદને કારણે ધોવાઈ શકે છે. આ મેચ દરમિયાન વરસાદની સંભાવના 45 ટકા સુધી છે. કહેવામાં આવી રહ્યું છે કે મેચની શરૂઆત દરમિયાન વરસાદ પડી શકે છે. ફેન્સ માટે આ ખરાબ સમાચાર છે, શક્ય છે કે ફેન્સ ને 40 ઓવરની આખી મેચ જોવા ન મળે. આ સિવાય હવામાન વિભાગે કહ્યું કે આ મેચ દરમિયાન તાપમાન 21 ડિગ્રીની આસપાસ રહેવાનું છે.
ભારતની સંભવિત પ્લેઈંગ ઈલેવન
યશસ્વી જયસ્વાલ, શુભમન ગિલ, શ્રેયસ ઐયર, સૂર્યકુમાર યાદવ (કેપ્ટન), રિંકુ સિંહ, જીતેશ શર્મા (વિકેટકીપર), રવિન્દ્ર જાડેજા, મુકેશ કુમાર, રવિ બિશ્નોઈ, મોહમ્મદ સિરાજ અને અર્શદીપ સિંહ.
સાઉથ આફ્રિકાની સંભવિત પ્લેઈંગ ઈલેવન
રીઝા હેન્ડ્રીક્સ, મેથ્યુ બ્રેત્ઝકે, એઈડન માર્કરામ (કેપ્ટન), હેનરિક ક્લાસેન, ટ્રિસ્ટિયન સ્ટબ્સ, ડેવિડ મિલર, માર્કો જેન્સન, ગેરાલ્ડ કોએત્ઝી, કેશવ મહારાજ, લિઝાદ વિલિયમ્સ, તબરેઝ શમ્સી
