- વર્કલોડના કારણે મેનેજમેન્ટે આપ્યો આરામ
- ટીમ ઈન્ડિયા બુમરાહ વિના જ મેદાનમાં ઉતરશે
- પાંચમી ટેસ્ટ મેચમાં રમશે બુમરાહ
ભારત અને ઈંગ્લેન્ડની વચ્ચે સીરીઝની ચોથી ટેસ્ટ મેચ 23 ફેબ્રુઆરીથી રાંચીમાં રમાશે. આ મેચને માટે ટીમ ઈન્ડિયાના ફાસ્ટ બોલર જસપ્રીત બુમરાહને આરામ અપાયો છે. જો કે આ સીરિઝમાં જસપ્રીત બુમરાહ કમાલની બોલિંગ કરી રહ્યા છે અને સાથે તેમનું નામ સીરીઝમાં અત્યાર સુધી સૌથી વધારે વિકેટ લેવામાં પણ નોંધાયેલું છે. ચોથી ટેસ્ટમાં બુમરાહને આરામ અપાયો છે જે ફેન્સને માટે થોડું મુશ્કેલ છે. રાંચી ટેસ્ટમાં ટીમ જીતી લેશે તો સીરીઝ પણ પોતાના નામે કરી લેશે. એવામાં ટીમ ઈન્ડિયાને માટે આ મેચ ખાસ માનવામાં આવી રહી છે. હવે ટીમ ઈન્ડિયાને રાંચી ટેસ્ટ મેચમાં બુમરાહ વિના જ મેદાનમાં ઉતરવું પડશે.
વર્કલોડના કારણે બુમરાહને અપાયો આરામ
મળતી માહિતિ અનુસાર જસપ્રીત બુમરાહ છેલ્લા ઘણા સમયથી સતત ક્રિકેટ રમી રહ્યા છે. એવામાં વર્કલોડના કારણે બુમરાહને આરામ આપવામાં આવ્યો છે. જ્યારે બુમરાહ સીરીઝના તમામ મેચ રમવા ઈચ્છે છે. આ સાથે અન્ય માહિતિ અનુસાર બુમરાહ પાંચમી મેચ રમશે. ઈંગ્લેન્ડની સામે ટેસ્ટ સીરીઝમાં જસપ્રીત બુમરાહ ખતરનાક બોલિંગ કરી રહ્યા છે. પોતાની બોલિંગથી બુમરાહને ઈંગ્લેન્ડના બેટ્સમેને પરેશાન કર્યા છે. અત્યાર સુધી 3 મેચની 6 ઈનિંગમાં બુમરાહે 17 વિકેટ લીધી છે. ચોથી ટેસ્ટ મેચમાં બુમરાહનું ન રમવું ઈંગ્લેન્ડને માટે થોડું રાહત ભર્યું રહેશે.
સીરીઝ જીતવાના ઈરાદાથી રમશે ટીમ ઈન્ડિયા
સીરીઝની પહેલી મેચ હૈદરાબાદમાં રમાઈ હતી. પહેલી ટેસ્ટમાં ઈંગ્લેન્ડ જીત્યું અને પછી ઈંગ્લેન્ડે સીરીઝમાં 1-0ની લીડ મેળવી. આ પછી બીજી અને ત્રીજી મેચમાં ઈંગ્લેન્ડ હાર્યું. સતત 2 મેચ જીતીને ટીમ ઈન્ડિયા 2-1ની જીત મેળવી ચૂકી હતી. હવે ચોથી મેચને લઈને ટીમ ઈન્ડિયાએ અજેય લડત મેળવવાની રહેશે.
