IND Vs ENG T20 Live: અભિષેક શર્મા 37 બોલમાં ફટકારી ધમાકેદાર સદી

આજે ભારત અને ઈંગ્લેન્ડ વચ્ચેની પાંચમી અને છેલ્લી ટી20 મેચ રમાશે. બંને ટીમો સાંજે 7 વાગ્યાથી મુંબઈના વાનખેડે સ્ટેડિયમ ખાતે ટકરાશે. સૂર્યકુમાર યાદવના નેતૃત્વ હેઠળની ટીમ ઈન્ડિયાએ સિરીઝમાં 3-1ની અજેય લીડ જાળવી રાખી છે. સૂર્યા બ્રિગેડ રવિવારે સિરીઝનો વિજયી અંત લાવવાનો પ્રયાસ કરશે. ભારતીય ફેન્સ ટોપ ક્રમના બેટ્સમેનોના પ્રદર્શન પર નજર રાખશે, જેઓ ખરાબ ફોર્મ સાથે સંઘર્ષ કરી રહ્યા છે. ઓપનર સંજુ સેમસન અને સૂર્ય કુમાર યાદવ અત્યાર સુધી બેટિંગમાં અસરકારક રહ્યા નથી. ફાસ્ટ બોલર મોહમ્મદ શમીને છેલ્લી મેચમાં ફરીથી તક મળી શકે છે. જોસ બટલરના નેતૃત્વ હેઠળની ઈંગ્લેન્ડની ટીમ વિજેતા ટ્રેક પર પાછા ફરવાનો પ્રયાસ કરશે. હેરી બ્રુકનું ફોર્મમાં વાપસી તેમના માટે સકારાત્મક પાસું છે. બ્રુકે ચોથી ટી20માં 51 રનની ઈનિંગ રમી હતી.