દક્ષિણ આફ્રિકાના ફેમસ ખેલ વૈજ્ઞાનિક એડ્રિયન લે રોક્સને ભારતીય પુરુષ ક્રિકેટ ટીમના નવા સ્ટ્રેન્થ અને કન્ડીશનીંગ કોચ તરીકે નિયુક્ત કરવામાં આવ્યા છે. તે સોહમ દેસાઈનું સ્થાન લેશે, જેમને તાજેતરમાં આ પદ છોડી દીધું છે.
લે રોક્સે આ પહેલા પણ ભારતીય ટીમ સાથે કામ કરી ચૂક્યા છે. તેમનો પહેલો કાર્યકાળ જાન્યુઆરી 2002 થી મે 2003 સુધીનો રહ્યો હતો. આ સિવાય તેમને IPLમાં કોલકાતા નાઈટ રાઈડર્સ અને પંજાબ કિંગ્સ માટે પણ સેવા આપી છે.
એડ્રિયન લે રોક્સે આપ્યો મેસેજ
એડ્રિયન લે રોક્સે હાલમાં IPL 2025ની રનર-અપ ટીમ પંજાબ કિંગ્સ સાથે છ વર્ષની સફર પૂર્ણ કરી છે. આ વિદાય પર તેમને ઈન્સ્ટાગ્રામ પર એક ભાવુક મેસેજ લખ્યો કે છ વર્ષની આ સફર મારા માટે ખૂબ જ ખાસ રહી છે. અમે ફાઈનલમાં પહોંચ્યા, થોડા પાછળ પણ પડ્યા, પરંતુ ટીમની મહેનત અને જુસ્સા મને પર ગર્વ છે. બધા ખેલાડીઓ, સ્ટાફ અને સહયોગીઓનો દિલથી ધન્યવાદ. ક્રિકેટ ફક્ત પરિણામો વિશે જ નહીં, પરંતુ તે સંબંધો અને યાદોની પણ વાત છે જે હંમેશા સાથે રહે છે.
IPLમાં લે રોક્સનું યોગદાન પણ ખૂબ મહત્વનું રહ્યું છે. તે 2008 થી 2019 સુધી કોલકાતા નાઈટ રાઈડર્સ સાથે જોડાયેલા હતા. આ દરમિયાન ટીમે 2012 અને 2014 માં ટાઈટલ જીત્યું હતું. આ પછી તેમને 2018 થી 2024 સુધી પંજાબ કિંગ્સ સાથે કામ કર્યું.
હવે લે રોક્સ ભારતીય ટીમ સાથે પોતાનો બીજા કાર્યકાળની શરુઆત કરશે. તેમનો નવો કાર્યકાળ ઈંગ્લેન્ડ સામેની પાંચ મેચની ટેસ્ટ સિરીઝથી શરૂ થશે, જેની શરુઆત 20 જૂનથી લીડ્સમાં થશે. આ સિરીઝની બાકીની મેચો એજબેસ્ટન, લોર્ડ્સ, ઓલ્ડ ટ્રેફોર્ડ અને ઓવલ ખાતે રમાશે.
ઈંગ્લેન્ડ સામે ભારતની ટેસ્ટ સિરીઝનું શેડ્યુલ
20-24 જૂન 2025 – પહેલી ટેસ્ટ, હેડિંગ્લે
2-6 જુલાઈ 2025 – બીજી ટેસ્ટ, અજબેસ્ટન
10-14 જુલાઈ 2025 – ત્રીજી ટેસ્ટ, લોર્ડસ
23-27 જુલાઈ 2025 – ચોથી ટેસ્ટ, ઓલ્ડ ટ્રેફર્ડ
31 જુલાઈ – 4 ઓગસ્ટ 2025 – પાંચમી ટેસ્ટ, ઓવલ
ટેસ્ટ સિરીઝ માટે ભારતીય ટીમ
શુભમન ગિલ (કેપ્ટન), રિષભ પંત (વાઈસ કેપ્ટન/વિકેટકીપર), યશસ્વી જયસ્વાલ, કેએલ રાહુલ, સાઈ સુદર્શન, અભિમન્યુ ઈશ્વરન, કરુણ નાયર, નીતિશ કુમાર રેડ્ડ, રવીન્દ્ર જાડેજા, ધ્રુવ જુરેલ (વિકેટકીપર), વોશિંગ્ટન સુંદર, શાર્દુલ ઠાકુર, જસપ્રીત બુમરાહ, મોહમ્મદ સિરાજ, પ્રસિદ્ધ કૃષ્ણા, આકાશ દીપ, અર્શદીપ સિંહ, કુલદીપ યાદવ.
