ભારતીય ટીમના દિગ્ગજ ખેલાડીઓ વિરાટ કોહલી અને રોહિત શર્માએ ટેસ્ટ અને T20I ફોર્મેટમાંથી સંન્યાસ લઈ લીધો છે. આ બંને દિગ્ગજ ખેલાડીઓ હવે ફક્ત ODI ફોર્મેટમાં જ રમતા જોવા મળશે. જેના કારણે હવે ફેન્સ આગામી ODI સિરીઝની રાહ જોઈ રહ્યા છે.
આ દરમિયાન ફેન્સને ખૂબ જ મોટા સારા સમાચાર મળ્યા છે. ભારત અને ન્યુઝીલેન્ડ વચ્ચેની વ્હાઈટ બોલ સિરીઝને લઈને એક મોટું અપડેટ સામે આવ્યું છે. જેની સાથે તારીખ અને સ્થળ પણ નક્કી કરવામાં આવ્યું છે.
ન્યુઝીલેન્ડ સામેની સિરીઝને લઈને મોટું અપડેટ
મીડિયા રિપોર્ટ મુજબ ભારત અને ન્યુઝીલેન્ડ વચ્ચે જાન્યુઆરી 2026 માં 3 ODI અને 5 T20 મેચની સિરીઝ રમાશે. આ સિરીઝની પહેલી મેચ 11 જાન્યુઆરીએ હૈદરાબાદમાં રમાશે. છેલ્લી મેચ 31 જાન્યુઆરીએ ત્રિવેન્દ્રમમાં રમાશે. વનડે સિરીઝ દરમિયાન રોહિત શર્મા અને વિરાટ કોહલીને ફેન્સ પણ જોઈ શકશે.
પરંતુ તે પહેલાં ટીમ ઈન્ડિયા બાંગ્લાદેશ અને ઓસ્ટ્રેલિયા સામે પણ ODI સિરીઝ રમી શકે છે. BCCI એ હજુ સુધી આ સિરીઝ અંગે કોઈ બેઠક યોજી નથી. હાલમાં ટીમ ઈન્ડિયા ઈંગ્લેન્ડના પ્રવાસે છે. જ્યાં ટીમને 5 મેચની ટેસ્ટ સિરીઝ રમવાની છે. સિરીઝની પહેલી મેચ 20 જૂને હેડિંગ્લી ખાતે રમાશે. લાંબા સમય પછી ટીમ ઈન્ડિયા રોહિત શર્મા અને વિરાટ કોહલી વિના ટેસ્ટ સિરીઝ રમવા જઈ રહી છે.
ભારત ન્યુઝીલેન્ડ 2026 વનડે સિરીઝનું શેડ્યુલ
પહેલી વનડે: 11 જાન્યુઆરી, હૈદરાબાદ
બીજી વનડે: 14 જાન્યુઆરી, રાજકોટ
ત્રીજી વનડે: 18 જાન્યુઆરી, ઈન્દોર
ભારત ન્યુઝીલેન્ડ 2026 T20 સિરીઝનું શેડ્યુલ
પહેલી T20: 21 જાન્યુઆરી, નાગપુર
બીજી T20: 23 જાન્યુઆરી, રાંચી
ત્રીજી T20: 25 જાન્યુઆરી, ગુવાહાટી
ચોથી T20: 28 જાન્યુઆરી, વિઝાગ
પાંચમી T20: 31 જાન્યુઆરી, ત્રિવેન્દ્રમ
