ભારતીય સ્ટાર બેટ્સમેન સ્મૃતિ મંધાનાએ શ્રીલંકા સામે 5 મેચની T20 સિરીઝની પહેલી મેચમાં ઈતિહાસ રચ્યો. સ્મૃતિ મંધાનાની 18 રનની ઈનિંગે તે એશિયામાં આ સિદ્ધિ મેળવનાર પહેલી બેટ્સમેન બની.
સ્મૃતિ મંધાના પહેલા એશિયામાં અન્ય કોઈ ખેલાડીએ આવી સિદ્ધિ મેળવી ન હતી. પરંતુ હવે એક ભારતીય ખેલાડીએ ઈતિહાસ રચ્યો છે. શ્રીલંકા સામેની પહેલી મેચમાં ભારતે શાનદાર પ્રદર્શન કર્યું અને 8 વિકેટથી જીત મેળવી.
સ્મૃતિ મંધાના પહેલી ખેલાડી બની
સ્મૃતિ મંધાના T20I મેચોમાં 4,000 રન બનાવનારી પહેલી એશિયન બેટ્સમેન બની છે. આ પહેલા કોઈએ આ સિદ્ધિ મેળવી ન હતી. આ મેચ પહેલા સ્મૃતિ મંધાનાએ 153 T20 મેચોમાં 147 ઈનિંગમાં 3,982 રન બનાવ્યા હતા. તેણે 154મી મેચમાં ફક્ત 18 રન બનાવીને ઈતિહાસ રચ્યો હતો. સ્મૃતિ મંધાનાએ 25 બોલમાં 25 રન બનાવ્યા, જેમાં 4 ચોગ્ગા ફટકાર્યા.
વર્લ્ડકપ 2025માં સૌથી વધુ સ્કોર
તાજેતરમાં પૂર્ણ થયેલા મહિલા ODI વર્લ્ડકપ 2025માં ફોર્મમાં રહેલી સ્મૃતિ મંધાનાએ ભારતનું નેતૃત્વ કર્યું હતું અને એકંદરે બીજા સ્થાને રહી હતી. સ્મૃતિ મંધાનાએ 9 મેચમાં 54.25ની એવરેજથી 434 રન બનાવ્યા હતા, જેમાં 1 સદી અને 2 અડધી સદી ફટકારી છે.
ભારતે જીતી પહેલી મેચ
આ મેચમાં શ્રીલંકાએ પહેલા બેટિંગ કરતા 20 ઓવરમાં 6 વિકેટે 121 રન બનાવ્યા હતા. જવાબમાં ભારતે માત્ર 14.4 ઓવરમાં 8 વિકેટે મેચ જીતી લીધી હતી. જેમીમા રોડ્રિગ્સે 44 બોલમાં 69 રનની શાનદાર ઈનિંગ રમી. તેણે 10 ચોગ્ગા પણ ફટકાર્યા હતા.
