ઈન્ડિયન પ્રીમિયર લીગ એટલે કે આઈપીએલ 18મી સિઝન 3 જૂને પૂર્ણ થઈ ગઈ છે. આમ તો સિઝન મે મહિનામાં જ પૂર્ણ થઈ ગઈ હતી, પરંતુ ઈન્ડિયા-પાકિસ્તાન યુદ્ધના તણાવને કારણે આઈપીએલને એક અઠવાડિયા માટે પોસ્ટપોન કરવામાં આવી હતી.
પરંતુ આઈપીએલ પૂર્ણ થઈ ગઈ છે પરંતુ દુનિયાભરમાં આરસીબીના જીતના જશ્નનો માહોલ છે. આ પહેલા જ ઈન્ટરનેશનલ ક્રિકેટની શરુઆત થઈ ગઈ છે. આવામાં ભારતીય ક્રિકેટ ટીમનું આવનારા સમયમાં શેડ્યુલ કેવું છે? તે જાણો.
ભારતીય ક્રિકેટ ટીમના ખેલાડી આઈપીએલ 2025 બાદ હવે 20 જૂનથી ઈન્ટરનેશનલ ક્રિકેટ રમતાં જોવા મળશે. ટીમ ઈન્ડિયાનો ઈંગ્લેન્ડ પ્રવાસ 20 જૂનથી શરૂ થશે, જેમાં 5 ટેસ્ટ મેચની સિરીઝ રમાવવાની છે. આઈસીસી વર્લ્ડ ચેમ્પિયનશિપ 2025-27 ચક્ર હેઠળ આ ભારત અને ઈંગ્લેન્ડની પહેલી સિરીઝ હશે. આ ટેસ્ટ સિરીઝ 4 ઓગ્સ્ટ સુધી રમાશે. આ બાદ ભારતીય ટીમ બાંગ્લાદેશ પ્રવાસ પર જશે, જ્યાં 3 વનડે ઈન્ટરનેશનલ અને 3 T20 ઈન્ટરનેશનલ મેચોની સિરીઝ રમાશે. 6 મહિનામાં ટીમ ઈન્ડિયા 9 સિરીઝ રમશે.
ભારતીય ટીમનું શેડ્યુલ
આ બાદ એશિયા કપ 2025 શેડ્યુલ છે, પરંતુ આ તારીખ હજુ સુધી જાહેર કરવામાં આવી નથી. ભારતીય ટીમનો બાંગ્લાદેશ પ્રવાસ 17 ઓગસ્ટથી શરુ થશે, જે 31 ઓગસ્ટ સુધી ચાલશે. આ બાદ ભારતીય ટીમ ઘરઆંગણે 2 મેચની ટેસ્ટ સિરીઝ વેસ્ટઈન્ડિઝ સામે રમશે.
2 ઓક્ટોબરથી 14 ઓક્ટોબર સુધી 2 ટેસ્ટ મેચ રમાશે. આ બાદ ફરીથી ભારતીય ટીમ વિદેશ પ્રવાસ પર જશે. ઓસ્ટ્રેલિયામાં ટીમ ઈન્ડિયાએ 19 ઓક્ટોબરથી 8 નવેમ્બર સુધી 3 વનડે અને 5 T20 ઈન્ટરનેશનલ મેચની સિરીઝ રમશે. આ બાદ ભારતીય ટીમ ઘરઆંગણે સાઉથ આફ્રિકા સામે 2 ટેસ્ટ, 3 વનડે અને 5 T20 ઈન્ટરનેશનલ મેચ રમશે. 14 નવેમ્બરથી 19 ડિસેમ્બર સુધી આ સિરીઝ ભારતના અલગ-અલગ શહેરોમાં આયોજિત થશે.
ઈંગ્લેન્ડ સામે ભારતની ટેસ્ટ સિરીઝનું શેડ્યુલ
20-24 જૂન 2025 – પહેલી ટેસ્ટ, હેડિંગ્લે
2-6 જુલાઈ 2025 – બીજી ટેસ્ટ, અજબેસ્ટન
10-14 જુલાઈ 2025 – ત્રીજી ટેસ્ટ, લોર્ડસ
23-27 જુલાઈ 2025 – ચોથી ટેસ્ટ, ઓલ્ડ ટ્રેફર્ડ
31 જુલાઈ – 4 ઓગસ્ટ 2025 – પાંચમી ટેસ્ટ, ઓવલ
ટેસ્ટ સિરીઝ માટે ભારતીય ટીમ
શુભમન ગિલ (કેપ્ટન), રિષભ પંત (વાઈસ કેપ્ટન/વિકેટકીપર), યશસ્વી જયસ્વાલ, કેએલ રાહુલ, સાઈ સુદર્શન, અભિમન્યુ ઈશ્વરન, કરુણ નાયર, નીતિશ કુમાર રેડ્ડ, રવીન્દ્ર જાડેજા, ધ્રુવ જુરેલ (વિકેટકીપર), વોશિંગ્ટન સુંદર, શાર્દુલ ઠાકુર, જસપ્રીત બુમરાહ, મોહમ્મદ સિરાજ, પ્રસિદ્ધ કૃષ્ણા, આકાશ દીપ, અર્શદીપ સિંહ, કુલદીપ યાદવ.
