ટીમ ઈન્ડિયાના સ્ટાર ક્રિકેટર અને ચાઈનામેન બોલર કુલદીપ યાદવે તેની બાળપણના મિત્ર સાથે સગાઈ કરી છે. લખનૌમાં બુધવારે આયોજિત એક સેરેમનીમાં કુલદીપે તેની બાળપણની મિત્ર વંશિકા સાથે સગાઈ કરી.
આ સેરેમનીમાં ઘણા ખેલાડીઓ હાજર રહ્યા હતા. મળતી માહિતી મુજબ, વંશિકા કાનપુરની રહેવાસી છે, તેના પિતા LICમાં કામ કરે છે. આ સેરેમનીમાં રિંકુ સિંહ સહિત ઘણા જાણીતા ક્રિકેટરોએ હાજરી આપી.
કુલદીપ યાદવે કરી સગાઈ
કુલદીપ યાદવ ટૂંક સમયમાં લગ્નના બંધનમાં જોડાશે. તેની સગાઈ 4 જૂન બુધવારના રોજ લખનૌમાં થઈ. તેની ભાવિ પત્નીનું નામ વંશિકા છે. બંને બાળપણથી એકબીજાને ઓળખે છે. બંને વચ્ચે ગાઢ મિત્રતા છે.
તેની સગાઈની તસવીરો સોશિયલ મીડિયા પર વાયરલ થઈ છે. કુલદીપે બેજ રંગનો સૂટ પહેર્યો છે. વંશિકાએ ઓરેન્જ કલરના લહેંગામાં ખૂબ જ સુંદર લાગી રહી છે. આ તસવીરોમાં બંને હસતા જોવા મળી રહ્યા છે. ફેન્સને આ ફોટા ખૂબ જ પસંદ આવી રહ્યા છે.
તમને જણાવી દઈએ કે કુલદીપ યાદવનું સેલિક્શેન ઈંગ્લેન્ડ પ્રવાસ માટે થયું છે. 20 જૂનથી ઈંગ્લેન્ડમાં ટીમ ઈન્ડિયા 5 મેચની ટેસ્ટ સિરીઝ રમવાની છે. આમાં કુલદીપ યાદવનો રોલ ખૂબ જ મહત્વપૂર્ણ રહેવાનો છે કારણ કે આ ટીમમાં અશ્વિન જેવો અનુભવી બોલર નથી. રોહિત શર્મા અને વિરાટ કોહલી પણ સિરીઝ પહેલા સંન્યાસ લઈ ચૂક્યા છે.
ઈંગ્લેન્ડ પ્રવાસ માટે 18 ખેલાડીઓની ભારતીય ટીમ
શુભમન ગિલ (કેપ્ટન), યશસ્વી જયસ્વાલ, કેએલ રાહુલ, સાઈ સુદર્શન, રિષભ પંત (વાઈસ કેપ્ટન/વિકેટકીપર), નીતિશ કુમાર રેડ્ડી, રવિન્દ્ર જાડેજા, ધ્રુવ જુરેલ (વિકેટકીપર), અભિમન્યુ ઈશ્વરન, શાર્દુલ ઠાકુર, જસપ્રીત બુમરાહ, મોહમ્મદ સિરાજ, પ્રસિદ્ધ કૃષ્ણા, કરુણ નાયર, વોશિંગ્ટન સુંદર, આકાશ દીપ, અર્શદીપ સિંહ, કુલદીપ યાદવ.
ભારત અને ઈંગ્લેન્ડ સિરીઝનું સંપૂર્ણ શેડ્યુલ
પહેલી ટેસ્ટ – 20-24 જૂન 2025 – હેડિંગ્લે, લીડ્સ
બીજી ટેસ્ટ – 2-6 જુલાઈ, 2025 – અજબેસ્ટન, બર્મિંઘમ
ત્રીજી ટેસ્ટ – 10-14 જુલાઈ, 2025 – લોર્ડ્સ, લંડન
ચોથી ટેસ્ટ – 23-27 જુલાઈ, 2025 – ઓલ્ડ ટ્રેફર્ડ, મેનચેસ્ટર
પાંચમી ટેસ્ટ – 30 જુલાઈ-4 ઓગસ્ટ, 2025 – ધ ઓવલ, લંડન
